ვარსკვლავები ვარსკვლავების საუკეთესო ფეხსაცმელები 2014, 24 აპრილი, 17:21 ვარსკვლავი-ქალბატონების უმრავლესობა გასული დღეების განმავლობაში აქტიურად სტუმრობდა სხვადასხვა წვეულებებს, ფესტივალებს, პრემიერებს თუ მიღებებს. თბილი სეზონის დადგომასთან ერთად ქალბატონები უფრო თამამად ირჩევენ ღია ფერის აქსესუარებს. ვარსკვლავების უმრავლესობამ უპირატესობა მიანიჭა Jimmy Choo-ს ფეხსაცმელებს. ქალბატონები მალაიზიური წარმოშობის ბრიტანელი დიზაინერის სხვადასხვა მოდელებში იწონებდნენ თავს.
ჯენიფერ ლოპესის თეთრ კაბას Jimmy Choo-ს თეთრი, თვლებით გაწყობილი ფეხსაცმელები ამშვენებდა.
მსახიობი ემა უოტსონიც Jimmy Choo-ს მაღალქუსლიან ფეხსაცმელებში "შემომდგარი" მიიჩქაროდა ლონდონში ფილმის "ნოე" პრემიერაზე. ჰოლივუდში გამართულ დახურულ მიღებაზე მსახიობი ემა რობერტსი Jimmy Choo-ს თვლებით გაწყობილ ფეხსაცმელებში იწონებდა თავს. ჯესიკა ალბამ MTV Movie-ს დაჯილდოების ცერემონიაზე Jimmy Choo-ს პრინტებიან ფეხსაცმელებს შეუხამა ყვითელი ქვედაბოლო და მოკლე მაისური. ბელა ტორნი პოზიციებს არც Christian Louboutin-ს ფეხსაცმელები თმობს. ემა რობერტსი შინდისფერ ხავერდოვან "ლუბუტენებში" და შინდისფერ კაბაში გამოწყობილი გამოცხადდა "ადამიანი-ობობა 2"-ის პრემიერაზე სინგაპურში. კენდის სვეინპოულის და ალესანდრა ამბროსიოს არჩევანიც Christian Louboutin-ზე შეჩერდა, ადრიანა ლიმამ კი წითელი ფერის Giuseppe Zanotti მოირგო. ალესანდრა ამბროსიო კენდის სვეინპოული და ადრიანა ლიმა Christian Louboutin Giuseppe Zanotti ქეით აპტონი MTV Movie Awards-2014-ზე Giuseppe Zanotti-ის ოქროს ალიგატორით დამშვენებული ფეხსაცმელით გამოცხადდა. ამსტერდამში გამართული პრემიერისთვის კამერონ დიასმა Manolo Blahnik-ის ბრენდის დიდი თვლებით გაწყობილი ფეხსაცმელები შეარჩია. ახლად "გამომცხვარი" ვარსკვლავი ლუპიტა ნიონგო გამოირჩევა ხალისიანი ფერების სიყვარულით. MTV Movie-ს დაჯილდოების ცერემონიაზე მსახიობი Casadei-ს ცისფერ ფეხსაცმელებში ანათებდა. 324 5-ს მოსწონს
|