თერჯოლის მუნიციპალიტეტის სოფელ ეწერში უბედური შემთხვევა მოხდა.

პრეზიდენტის მიერ შეწყალებულმა პატიმარმა დედა მოკლა და ცხედარი საღორეში გადამალა.

როგორც გარდაცვლილის ნათესავები ყვებიან, შემთხვევა რამდენიმე დღის წინ მოხდა, გარდაცვლილი ქალბატონი პედაგოგი იყო და თერჯოლის რამდენიმე სკოლაში მუშაობდა.

"ეს ბიჭი ციხიდან, რომ გამოვიდა ფსიქიკურად აშლილი იყო. დედამისი სახლში არ რჩებოდა და ნათესავებთან ათევდა ღამეს. რამდენიმე დღის წინ სახლში მისულა და მის მერე აღარ ჩანდა. მერე გავიგეთ, რომ შვილმა დედა მოკლა და გვამი საღორეში დამალა, "–განაცხადა ნათესავებმა.

ცნობისთვის, ეჭვმიტანილი დაკავებულია და მიმდინარეობს გამოძიება.