პოპულარული ქართველო შოუმენი და მსახიობი ვასო ფხაკაძე სულ მალე 37 წლის გახდება. უკვე წლებია ტელეეკრანებზე ვხედავთ და ბევრისათვის სასურველ სასიძოდაც მოიაზრება. დაქორწინებული არასდროს ყოფილა და არც ყვითელ პრესას ანებივრებდა ახალ-ახალი რომანებით. ფაქტი ერთია, მსახიობს "ცოლის მოყვანის ასაკი მოუვიდა". რამდენიმე წლის წინ ვასო ამტკიცებდა სახლი უკვე ავიშენე და ახლა ცოლის მოყვანაზე უნდა ვიმუშაოო. "თუ სიმპათიაზე ვილაპარაკებთ, არ მიყვარს ისეთი გოგონები, რომლებიც მხოლოდ გარეგნულად არიან კარგები და ასეთებს თურქულ კანფეტებს ვეძახი. ლამაზად არიან შეფუთულები და შიგნიდან არ მოგეწონება. როგორიც მინდა, ისეთი ჯერ ვერ ვიპოვე. ისიც არ მესმის, რომ ამბობენ, გიწევს ცოლის მოყვანა, უკვე დროაო. გიწევს რა, პურის რიგი ხომ არ არის? თუ გოგონა არ შეგიყვარდა და ურთიერთობა არ აგეწყო, რატომ უნდა მოიყვანო ცოლად?"-ამტკიცებდა ცოტა ხნის წინ ვასო.

გავრცელებული ინფორმაციის თანახმად, ვასო ფხაკაძე შეყვარებულია. მისი რჩეული 21 წლის ლიკა მეტრეველი გახლავთ. გოგონა მოდელი და იურიდიული ფაკულტეტის სტუდენტი გახლავთ. ლიკა პირველი ვიცე მის საქართველო 2012-ის ტიტულის მფლობელიცაა. წყვილს შორის ასაკობრივი სხვაობა დაახლოებით 16 წელია. ვასო მხიარული ადამიანია და როგორც ჩანს, მისი ხასიათი ასაკობრივ სხვაობას შესამჩნევს არ ხდის. წყვილი სოციალურ ქსელში უკვე აქვეყნებს საერთო ფოტოებს. ლიკას მეგობრები რჩეულს უწონებენ და ბედნიერებას უსურვებენ. რამდენად სერიოზულია მათი ურთიერთობა ამას დრო გვიჩვენებს. შესაძლოა წინ ქორწილიც გველის. ვუსურვოთ წყვილს წარმატებები და ბედნიერი მომავალი...