კოლექციები ბიანკა ბალტი და Dolce&Gabbana-ს სათვალეების კოლექცია 2014, 23 აპრილი, 17:30 იტალიური მოდის სახლის Dolce&Gabbana-ს მზის სათვალეების ახალი კოლექციის ფოტოსახე ლამაზმანი ბიანკა ბალტი გახდა.
გაზაფხული-ზაფხულის კოლექციის სარეკლამო კამპანიის თემა ტრადიციულად დიზაინერების მშობლიური სიცილიური მოტივები გახდა. ფოტოგადაღების დეკორაციებად გადაიქცა სიცილიური ბუნება, ყვავილებიანი ქოთნებით გაფორმებული ქვის აივნები და სიცილიის ოდნავ შესამჩნევი ლაჟვარდოვანი სანაპირო.
ბიანკა ფოტოებზე Dolce&Gabbana-ს სეზონური კოლექციის მოდელებში იყო გამოწყობილი, რაც ფერად და ყვავილებით გაფორმებულ სათვალეებს უფრო შთამბეჭდავ ფონს უქმნიდა.
30 წლის მოდელი ფოტოსესიაში თავად დომენიკო დოლჩემ გადაიღო. ბიანკა ბალტის და Dolce&Gabbana-ს მოდურ სახლს საკმაოდ ხანგრძლივი და ნაყოფიერი თანამშრომლობა აკავშირებთ. ბიანკას პირველი კონტრაქტი მოდურ სახლთან 2005 წელს გაფორმდა. მარკის მუდმივი სარეკლამო სახე ბიანკა ორი წლის წინ გახდა. 87 3-ს მოსწონს
|