გერმანიაში ქალაქ პოტსდამის პოლიცია პარკირების წესების დამრღვევებს უჩვეულო ჯარიმებს უწერს, მათი ოდენობა 0 ევროს
შეადგენს.
საჯარიმო ქვითრებზე, რომლებსაც პოლიციელები მანქანებზე ტოვებენ, ჯარიმის გადასახდელ თანხაში მითითებულია 0 ევრო, და დაწერილია: „თქვენ გაგიმართლათ!“. პოლიციის განცხადებით ეს ჯარიმები უფრო გასაფრთხილებელად არის შემოღებული და მძღოლების „საფულეზე“
უარყოფითად არ იმოქმედებს.
„ეს საჯარიმო ქვითრები შემოღებულია იმისთვის, რომ გავაფრთხილოთ პარკირების წესების დამრღვევი მოქალაქეები“ - განაცხადა პოლიციის პრეს-სპიკერმა რეჯინა ტილემანმა. „სამართალდამცავები ტოვებენ მას მაშინ, როდესაც ავტომობილის მფლობელი ახლოს არ იმყოფება და ზეპირ გაფრთხილებას ვერ
აძლევენ“


2011 წელს ქალაქ პოტსდამის ბიუჯეტში 1.2 მილიონი ევრო შევიდა
პარკირების წესების დარღვევისთვის გამოწერილი ჯარიმებით. ახალი 0 ევროიანი ჯარიმები გერმანიაში, ქვეყნისთვის სადაც წესების დაცვას ძალიან მკაცრად აკონტროლებენ, ცოტა უცნაურად მოეჩვენა ყველას.
ქალაქის ერთ-ერთმა მცხოვრებმა კეტრინ ბანჩმა თქვა, რომ თავიდან მას ძალიან ეწყინა, როდესაც საქარე მინაზე ჯარიმა დახვდა, თუმცა ქვითრის წაკითხვის შემდეგ ძალიან გახარებული დარჩა.
„ჩემს რაიონში მანქანის გასაჩერებელი ადგილის პოვნა ძალიან ძნელია, ამიტომ ჯარიმებს საკმაოდ ხშირად მიწერენ. ქვითრის დანახვისას ვიფიქრე, რომ ისევ თანხის გადახდა მომიწევდა, მაგრამ საბედნიეროდ გადასახდელი თანხა 0 ევრო აღმოჩნდა“.