თეო იანსენი (Theo Jansen)-კრეატიული ჰოლანდიელი მხატვარი და სკულპტორია. ის ნამდვილად არაჩვეულებრივ და გასაოცარ ნივთებს ქმნის. თეოს ყველა ქმნილებას გაააჩნია იალქნები და ამიტომაც ისინი თავისუფლად გადაადგილდებიან ზღვის სანაპიროზე ქარის დახმარებით. ეს ძალიან ლამაზი და შთამბეჭდავი სანახაობაა და მისი ნახვისას თავი რომელიღაც ფანტასტიკურ ფილმში გეგონება.

ჯერ კიდევ 90-იან წლებში თეომ დაამუშავა კოპიუტერული პროგრამა, რომლის საშუალებითაც აღწერა გადარჩენისათვის მებრძოლი მრავალი არსების ევოლუციური გზა. ის იმდენად გაიტაცა ამ კვლევებმა, რომ გადაწყვიტა ეს ყველაფერი კომპიუტერის ეკრანიდან რეალურ მატერიაში გადაეტანა.

თავისი სკულპტურების ან თავისი არსებების (ასეც შეიძლება ვუწოდოთ) შესაქმნელად თეო იანსენი იყენებს პლასტმასის მილებს, რომლის ერთი მეტრის ფასი სულ რაღაც 10 ცენტია, სკოჩს, პლასტმასის ბოთლებს, ნეილონის ძაფებს. შედეგად მიიღება ძალიან იაფი და მსუბუქი ქმნილებები, რომლებიც უზარმაზარ მწერებს გვაგონებენ.

მხატვარი გვარწმუნებს, რომ როდესაც მისი არსებების შექმნის ტექნოლოგია სრულყოფილების მწვერვალს მიაღწევს, ის მათ სიხარულით გაუშვებს, რათა თავისუფლად "ისეირნონ" ჰოლანდიის პლიაჟებზე. იანსენის ოცნებაა შექმნას ისეთი უნიკალური კონსტრუქცია, რომელიც მის წინამორბედზე გაცილებით ეფექტური იქნება. ამიტომ არცერთი კონსტრუქცია არ ჰგავს ერთმანეთს. შეიძლება ვთქვათ, რომ იანსენის ყველა შვილობილს თავისი "გენეტიკური კოდი " აქვს.

ახლა კი ვნახოთ, როგორ მოძრაობენ ეს საოცარი ქმნილებები. აუცილებლად ნახეთ ვიდეო. გარწმუნებთ, ნამდვილად დიდ სიამოვნებას მიიღებთ!