რუსეთის ფედერაციაში შემავალი სუბიექტის (ჩეჩნეთის ავტონომიური რესპუბლიკა) ოდიოზურმა პრეზიდენტმა რამზან კადიროვმა რუსეთის დუმის დეპუტატს–შამსაილ სარაპიევს დაავალა შეისწავლოს ყირიმის ნახევარკუნძულზე რუსების, თათრების, ჩეჩნების, კაზაკებისა და სხვა ეთნიკური ჯგუფების მდგომარეობა. ასევე უკრაინის სხვა რეგიონებში. რაიმე დარღვევის აღმოჩენის შემთხვევაში კი არსებულ დარღვევაზე დაუყოვნებლივ უნდა შეატყობინოს კადიროვს და ოპერატიულად შეიტანოს რამზან კადიროვის მიერ მიწოდებული წინადადება დუმაში, რათა დროულად აღმოუჩინონ ნებისმიერი დახმარება რუსებს უკრაინის ტერიტორიაზე.
რამზან კადიროვმა პირადი ინიციატივით გადაწყვიტა მიიღოს ზომები რუსების დასაცავად ყირიმის ნახევარკუნძულზე და ასევე მთელი უკრაინის მასშტაბით.
"მე კიდევ ერთხელ ვაცხადებ, რომ ჩვენ არავის მივცემთ უფლებას, შეეხოს ჩვენი თანამოძმეების სიცოცხლეს, ჯანმრთელობას და ქონებას".–დაწერა თავის ინსტაგრამაზე კადიროვმა.
"თუ იმ რეგიონებში, სადაც უკრაინის "არალეგიტიმური" მთავრობა ვერ ახორციელებს კონტროლს, დაიწყება ძალისმიერი მეთოდებით მოქმედება მათ მოწინააღმდეგეებზე, ჩვენ მივიღებთ სათანადო ზომებს მათ წინააღმდეგ"–აცხადებს რამზან კადიროვი.

საინტერესოა "ჩვენში" ვის გულისხმობს ეს "მამლაყინწა" კადიროვი, ალბათ პუტინს.