ქუთაისში, ახალგაზრდა მამაკაცი, რომელიც ნასვამ მდგომარეობაში იმყოფებოდა "თეთრი ხიდიდან" მდინარე რიონში გადახტომას ცდილობდა.

ადგილზე სასწრაფო სამედიცინო დახმარების ეკიპაჟები, იმერეთის საგანგებო სიტუაციების სამსახურის თანამშრომლები და საპატრულო პოლიცია მივიდა. მათ შეძლეს მამაკაცის გადარჩენა.

საპატრულო პოლიციის ერთ-ერთმა თანამშრომელმა მამაკაცს ჰკითხა, თუ რატომ ცდილობდა "თეთრი ხიდიდან" მდინარე რიონში გადახტომას. მან უპასუხა, რომ ცხელოდა და გაგრილებას აპირებდა.

სამართალდამცავებმა ის მოგვიანებით პოლიციაში გადაიყვანეს.