აი როგორ გამოიყურება კიევის ცენტრი სადღეისოდ, გრუშევსკის ქუჩა.
ულამაზესი ქალაქის ცენტრალური ქუჩა დაპირისპირების კერად იქცა ევროგაერთიანების მომხრეებსა და სპეცდანიშნულების რაზმებს ("ბერკუტი")შორის, რასაც სამწუხაროდ მსხვერპლიც მოჰყვა. სპეცრაზმი იყენებს მათ "არსენალში" არსებულ საშუალებებს, ხოლო მომიტინგეები ძირითადად სახელდახელოდ აგებული ბარიკადებით და "მოლოტოვის კოქტეილით" იცავენ პოზიციებს. საერთო ჯამში კი უკრაინის დედაქალაქის ერთერთი ულამაზესი ქუჩა მეორე მსოფლიო ომის დროს, გერმანელი ფაშისტების მიერ დაბომბილ ქალაქს დაემსგავსა. რაოდენ გასაკვირიც არ უნდა იყოს, კიევის სხვა ადგილებში ჩვეულებრივი რიტმით გრძელდება ცხოვრება–ხალხი მიდის სამსახურში ჩვეულებრივად, მუშაობენ მაღაზიები, კინოთეატრები და რესტორნები.
გთავაზობთ სურათებს მოვლენების ეპიცენტრიდან–გრუშევსკის ქუჩა, კიევის ცენტრალური ნაწილი.