ინგრედიენტები

ბისკვიტისათვის:

კვერცხი-7 ცალი

შაქარი-7 სუფრის კოვზი

ფქვილი-8 სუფრის კოვზი

ვანილი-დანის წვერით

კრემისათვის:

ბანანი-2 ცალი

შესქელებული მოხარშული რძე-1 ქილა(380 გრამი)

მოსართავად: ნიგოზი, გახეხილი შოკოლადი, ხილი ან რაც თქვენ გსურთ.

მომზადება:

პირველ რიგში გამოვაცხოთ ბისკვიტი: კარგად ავთქვიფოთ კვერცხის ცილა, დავამატოთ შაქარი და გულები, ფრთხილად დავაცრათ ფქვილი და ვანილი და მოვურიოთ ხის კოვზით ან სპეციალური სილიკონის ნიჩბით. ცომი ჩავასხათ ყალიბში(22-25 სმ დიამეტრის) და გამოვაცხოთ 150 გრადუსზე 30-35 წუთი.

მზა ბისკვიტი გავაგრილოთ.

მოვამზადოთ კრემი: ბანანი გავხეხოთ ან დავაბლენდეროთ და შევურიოთ მოხარშულ შესქელებულ რძეში.

ბისკვიტი გავჭრათ ორ ან სამ ნაწილად და წავუსვათ კრემი. დავადოთ მეორე ნახევარი, შემდეგ მესამე და თავზე და გვერდებზეც წავუსვათ კრემი. მოვრთოთ გახეხილი შოკოლადით, დაჭრილი ნიგვზით ან რაიმე ხილით. დავდგათ მაცივარში 3-4 საათი.

მიირთვით გემრიელად!