ხვალ, 18:00 საათზე ბორის პაიჭაძის სახელობის ''დინამო არენაზე'' მეტად პრინციპული მატჩი გაიმართება. ერთმანეთს თბილისის ''დინამო'' და ქუთაისის ''ტორპედო'' დაუპირისპირდებიან. ეს შეხვედრა ორივე გუნდის მნიშვნელოვანი არამხოლოდ პრინციპულობის გამო იქნება. ამ დროისთვის ქუთაისური გუნდი საქართველოს ჩემპიონატის მე-3 ადგილზე, 38 ქულით იმყოფება, ხოლო საქართველოს ყველაზე ტიტულოვანი გუნდი მათ 1 ქულით გამორჩება.

მიმდინარე სეზონის ჩემპიონატში ეს გუნდები ერთმანეთს სამჯერ შეხვდნენ. ამ სამი მატჩიდან ერთ შეხვედრაში მოგება იმერელებმა იზეიმეს, ერთი შეხვედრა დედაქალაქელებმა მოიგეს, ხოლო ბოლო დაპირისპირება ფრედ დასრულდა.

აქედან გამომდინარე მოგიწოდებთ ყველას, რომ მოხვიდეთ სტადიონზე და უგულშემატკივროთ თქვენს საყვრელ გუნდს. ბილეთის ფასი: 2 ლარი.