ქართველი მსახიობი, ტელეწამყვანი, ფოტომოდელი და სექსსიმბოლოდ აღიარებული შორენა ბეგაშვილი მუდამ საზოგადოების ყურადღების ცენტრში ტრიალებს. მის გარშემო სკანდალებიც არ ცხრება. მას შემდეგ რაც შორენამ აღიარა, რომ შეყვარებულია ჟურნალისტები აქტიურად ცდილობენ ერთ-ერთი ყველაზე პოპულარული რესპოდენტის პირადი ცხოვრების შესახებ ინფორმაციის მოპოვებას.

გავრცელებული ინფორმაციის თანახმად მსახიობს რომანი აქვს ბიზნესმენ ირაკლი ნანაძესთან. ირაკლი დაოჯახებულია, მეუღლეც ჰყავს და ორი შვილიც. ჟურნალ "რეიტინგის" მტკიცებით, წყვილი საზღვარგარეთ სხვადასხვა რეისით დაფრინავს, სამი დღის წინ ირაკლი ნანაძე მოსკოვში გაფრენილა, ორი დღის შემდეგ კი მსახიობმაც ჩააკითხა, ოთხ დღეს ერთად გაატარებენ და შემდეგ ისევ ცალ-ცალკე სხვადასხვა რეისით დაბრუნდებიან თბილისშიო. ეს ყველაფერი როდია, ჟურნალი წყვილის ფოტოებსაც ავრცელებს, რომლებიც ანონიმურმა წყარომ მიაწოდა. მათზე ირაკლისა და შორენას ერთი მოსკოვური საღამოა ასახული.
შეგახსენიბთ, რომ შორენას უიღბლო ქორწინებიდან ერთი ქალიშვილი ჰყავს ევა ბარბაქაძე. განქორწინების შემდეგ რომანი ჰქონდა დავით ბაგრატიონთან, წყვილი სკანდალურად დაშორდა. გავრცელებული ჭორების თანახმად, ირაკლი ნანაძის ცოლი სექსსიმბოლოს სახლში მიუვარდა და ფიზიკურადაც შეეხო, მასვე აბრალებენ შორენას მანქანის უკანა საქარემინის ჩამტვრევას. ერთნი ამტკიცებენ, რომ ბიზნესმენი მალე ცოლს გაშორდება და შორენაზე იქორწინებს, მეორენი კი ამ ქორწინებას გამორიცხავენ. საინტერესოა, როგორ განვითარდება წყვილის რომანი...