შური იძიოს ცოლზე, რომელიც ქმრის თვალწინ ღალატობს მას რამოდენიმე წლის განმავლობაში, ნებისმიერი მამაკაცისათვის საკმაოდ მიზანდასახული სურვილია. 59 წლის ამერიკელმა ალან მარკოვიცმა ამ შურისძიების განხორციელების საკმაოდ ორიგინალური და სასაცილო გზა მოძებნა. ალანმა იყიდა სახლი, რომელიც მდებარეობს ყოფილი ცოლის სახლის პირდაპირ და ყოველ დილით შეახსენებს მას თავის არსებობას.

აი რა მოიფიქრა გამჭრიახმა და ცოლზე შურისმაძიებელმა ამერიკელმა: მან თავისი სახლის აივანზე დადგა სკულპტურა, რომელიც უჩვენებს შუა თითს. ამ არცთუ ისე წესიერ "შედევრს" ალანის ყოფილი ცოლი ყოველ დილით უყურებს თავისი სახლის ფანჯრებიდან. სამმეტრიანი ფიგურა "შურისმაძიებელს" საკმაოდ ძვირი- 7 000 დოლარი დაუჯდა. თუმცა ხარჯმა ნამდვილად გაამართლა: ყოფილი ცოლი ყოველდღე ხედავს ამ უსიამოვნო სკულპტურას, თუმცა არამარტო დღისით, რადგან ღამღამობით ფიგურა განათებულია.

ალან მარკოვიცი და მისი ყოფილი ცოლი სულ 2 წელი იყვნენ დაქორწინებულები, თუმცა გაირკვა, რომ ამ ხნის განმავლობაში ცოლს რომანი ჰქონდა გაჩაღებული სხვა მამაკაცთან. ასე რომ, 59 წლის ალანის საქციელი გასაგებია: მან საკმაოდ ჰუმანურად იძია შური ცოლზე და გარდა ამისა, საკუთარ თავს მშვენიერი პიარი გაუწია.