გვინეტ პელტროუს საუკეთესო კაბები წითელ ხალიჩაზე

ვარსკვლავები

გვინეტ პელტროუს საუკეთესო კაბები წითელ ხალიჩაზე

2013, 8 ოქტომბერი, 10:41

გვინეტ პელტროუს ყოველი საჯარო გამოსვლა გახლავთ იდეალურად შერჩეული სტილის მაგალითი. ოსკაროსანი მსახიობი, თავგადაკლული ვეგეტარიანელი და ჯანსაღი ცხოვრების წესის მიმდევარი პელტროუ 40 წლისთვის გადაიქცა ელეგანტურობის ეტალონად წითელ ხალიჩაზე.

მიუხედავად იმისა, რომ გვინეტს არ უყვარს ექსპერიმენტები, უპირატესობას ანიჭებს კლასიკას და მინიმალიზმს, მას

ერთ-ერთ ყველაზე მოდურ ქალბატონად მიიჩნევენ.

ფილმის "რკინის კაცი" პრემიერაზე ლონდონში Christian

Dior-ის კაბაში

ლოს-ანჟელესში გამართულ "რკინის კაცის" პრემიერაზე

Antonio Berardi-ის კაბაში

27 სექტემბერს გვინეტი 41 წლის გახდა. მისი ბიოგრაფია მოიცავს "რკინის კაცის" დაპყრობას, ოსკარს და ასევე ჯგუფ Coldplay-ის ფრონტმენის კრის მარტინის გულის მოგებას. მსახიობმა 100-მდე როლი ითამაშა. მან საუკეთესო ბალანსი მოძებნა მუშაობას და

პირად ცხოვრებას შორის.

მეტროპოლიტენ მუზეუმში გამართულ მიღებაზე 2013 წ.

Valentino Couture -ის კაბაში

საიუველირო ფირმის Tiffany & Co-ს მიერ მოწყობილ საზეიმო წვეულებაზე მსახიობი Ralph Lauren-ის აბრეშუმის კაბაში გამოწყობილი სტუმრობდა, რომელსაც ტიფანის ბრილიანტების სამკაულები ალამაზებდა.

2012 წლის ოსკარის დაჯილდოების ცერემონიაზე გვინეტის მიერ არჩეული Tom Ford-ის კაბა მოდის კრიტიკოსებმა წლის საუკეთესო ჩაცმულობად აღიარეს.

2012 წელს კოსტუმების ინსტიტუტის საზეიმო მიღებაზე

გვინეტი Prada-ს იისფერ მოკლე კაბაში გამოცხადდა.

2011 წლის ოსკარის დაჯილდოების ცერემონიაზე გვინეტ

პელტროუ თავს იწონებდა Calvin Klein-ის ოქროსფერ კაბაში, რომელსაც თეძოზე Louis Vuitton-ის ფარშევანგი ამშვენებდა.

ვენეციის კინოფესტივალზე მსახიობი Prada-ს ვარდისფერ,

ყელზე შემოხვეულ, ზურგმოღებულ კაბაში სტუმრობდა.

მარტივი და სწორი თარგის მქონე გრძელმკლავიანი კაბა ერთ-ერთი ყველაზე პოპულარული ფასონია გვინეტის გარდერობში. ასეთი გახლდათ 2011 წელს კინოპრემიერაზე Emilio Pucci-ის თეთრი, ზურგზე თასმებით შეკრული კაბა.