x
image
მანჩო 777
გერმანელი ფოტოგრაფის პერფორმანსი და თანამედროვე ფოტოგრაფია
image
ცნობილმა გერმანელმა ფოტოგრაფმა კლაუდია როგემ (Claudia Rogge) მთელ მსოფლიოში სახელი გაითქვა თავისი არაორდინალური და გასაოცარი ფოტოსურათებით. ის პატარაობიდანვე იყო გატაცებული ფოტოგრაფიით, მაგრამ პირველი სერიოზული ნამუშევრები იყო 2004 წელს განხორცილებული პროექტები "ბრბო" და Mob.

image

განსაკუთრებით საინტერესოა კლავდიას პროექტი Mob. ეს არის მობილური ინსტალაცია. ფოტოგრაფი მთელ მსოფლიოში მოგზაურობდა სრულიად გამჭვირვალე სატვირთოთი. პირველი ინსტალაცია mob il — 1, შედგებოდა 5000 პლასტმასის ბავშვის თავისაგან, ხოლო მეორე mob il — 2, - 66 შიშველი მამაკაცისაგან, რომლებიც მუხლებზე იდგნენ. განსაკუთრებულ ყურადღებას ხალხი მეორე სატვირთოს მიმართ იჩენდა: იხსენებდნენ ოსვენციმს და ჰოლოკოსტს.

image


ამ ხალხის მასის თვალიერების დროს კლაუდიას გაუჩნდა იდეა, შეექმნა ისეთი ბრბო, სადაც ყურადღება იქნებოდა გამახვილებული არა რაიმე ისტორიაზე, არამედ ფორმასა და ესტეთიკაზე. როდესაც ვუმზერთ ფრინველების გადაფრენას, ყურადღებას იპყრობს მხოლოდ მოძრაობის ქორეოგრაფია, მისი სილამაზე. ასე დაიბადა ალბომი Rapport.

image

ფოტოგრაფი მუშაობის დროს იყენებს პერფორმანსებს, ფოტო- და ვიდეოგადაღებებს. სურათების ძირითადი თემებია ინდივიდუალურობა და მასა. კლაუდია ყოველთვის მუშაობს გარკვეულ პიროვნებებთან, ხოლო შემდეგ მათ ათავსებს გარკვეულ კონტექსტში.

image

ფოტოსურათებს გააჩნიათ ერთიანი გამოკვეთილი სტილი, ტექნიკური თვალსაზრისით ისინი ძალიან რთული შესასრულებელია. ხშირად როგეს სურათები სკანდალების მიზეზიც გამხდარა, მაგრამ მიუხედავად ამისა, მათ მიმართ დაინტერესება ძალიან დიდია.

გთავაზობთ რამოდენიმე ფოტოს კლავდია როგეს უნიკალური და არაჩვეულებრივი სურათებიდან.imageimageimageimageimageimageimage







3
158
14-ს მოსწონს
ავტორი:მანჩო 777
მანჩო 777
158
  
2015, 13 მარტი, 15:16
ძალიან ძალიან ძალიან მომეწონა
2013, 6 ოქტომბერი, 23:35
და საკმაოდ შინაარსიანი, თუმცა თვალისათვის უჩვეულო:)
2013, 6 ოქტომბერი, 23:33
რა ეფექტური ნამუშევრებია! ვერ გადმოვცემ, ისე მომეწონა.
0 1 3