ბუნება თვითონვე სრულყოფილებაა, თავის სილამაზით და მომხიბვლელობით, თავის სიმკაცრითა და სიძლიერით. მაგრამ ადამიანები არ ჯერდებიან ბუნებრივ სილამაზეს, ცდილობენ მუდმივად გადააკეთონ ის თავის მოსაწონად და ხშირად ეს ჩარევა საოცარი შედეგებით მთავრდება.

დღეს საუბარი გვექნება ცოცხალი მცენარეებისაგან შექმნილ სკულპტურებზე. მცენარეები, ლამაზად გაზრდილი და გაკრეჭილი, შეიძლება გადაიქცნენ უმშვენიერეს მწვანე ქანდაკებებად, რათა გაალამაზონ ბაღები და გახდნენ მათი დამამშვენებლები.

მცენარეების ფიგურულად გაკრეჭის და მათგან მწვანე ქანდაკებების შექმნის ხელოვნებას საკმაოდ დიდი ხნის ისტორია აქვს: ჯერ კიდევ ძველ რომში ბაღებს აცოცხლებდნენ კოხტად გაკრეჭილი ბზების გეომოტრიული ფიგურებით.

რომის იმპერიიდან მოყოლებული, ეს ხელოვნება მთელ ევროპაში გავრცელდა, ხოლო რენესანსის ეპოქაში კი მეორედ დაიბადა: ამ დროს დაიწყეს მცენარეებისათვის ადამიანების, ხომალდების, ცხენების, კენტავრების, სასახლეების ფორმის მიცემა.

ამჟამად ეს ხელოვნება მთელ მსოფლიოშია გავრცელებული და უამრავ ცნობილ ბაღს ამშვენებს სხვადასხვა ფორმის და ფიგურის მქონე მწვანე სკულპტურები.

ამ ცოტა ხნის წინ მონრეალში ჩატარდა მწვანე სკუპლტურების საერთაშორისო გამოფენა. მინდა შემოგთავაზოთ რამოდენიმე ფოტო ამ გამოფენის ყველაზე შთამბეჭდავი ექსპონატებისა, , რათა თავად დარწმუნდეთ, თუ რა შეუძლია ადამიანის ნიჭს და ფანტაზიას.