ინი და იანი აღმოსავლურ ფილოსოფიაში წარმოადგენს ქალისა და მამაკაცის საწყისებს, ერთმანეთის საწინააღმდეგოს, მაგრამ მჭიდროდ დაკავშირებულს ერთმანეთთან. სწორედ ამიტომ, ეს პიკანტური სალათი დაამშვენებს თქვენს რომანტიკულ ვახშამს მეორე ნახევართან.

მაშ ასე, მოვამზადოთ

ინგრედიენტები:

ქათმის ფილე - 300 გრამი

კვერცხი -3 ცალი

შავი ქლიავის ჩირი -100გრამი

ყველი -70 გრამი

კიტრი -1 ცალი

მაიონეზი -200 გრამი

მარილი გემოვნებით

მომზადება:

პირველ რიგში დავალბოთ შავი ქლიავის ჩირი, ამისათვის მას დავასხათ ცივი წყალი და გავაჩეროთ 30 წუთი.

მოვხარშოთ ქათმის ფილე და დავჭრათ პატარა ნაჭრებად.

ფართე სასალათეზე დავდოთ ეს დაჭრილი ფილე და მივცეთ მრგვალი ფორმა. მოვაყაროთ ცოტაოდენი მარილი და გადავუსვათ მაიონეზი.

კიტრი გავთალოთ და დავჭრათ პატარა რგოლებად, მოვათავსოთ ქათმის ხორცის ზემოთ და ლამაზად გავასწოროთ. მასაც გადავუსვათ მაიონეზი.

კვერცხები მოვხარშოთ და გავაციოთ, გავფცქვნათ და ცილა გამოვყოთ გულისაგან.
გულები დავფშვნათ წვრილად და მოვათავსოთ კიტრის ფენაზე.

ყველი გავხეხოთ და ისიც მოვათავსოთ კვერცხის გულების ფენაზე. გადავუსვათ მაიონეზი თხლად.

კბილის ჩხირის მეშვეობით გავაკეთოთ ზიგზაგი სალათის მთელ სიგრძეზე.
ორივე მხარეზე მოვხაზოთ პატარა რგოლები.

შავი ქლიავი წვრილად დავჭრათ და შევავსოთ მისით ერთი მხარე სალათისა, აგრეთვე მეორე მხარეზე პატარა წრე.

გადანახული ცილა დავფშვნათ წვრილად და ასევე თეთრი მხარე სალათისა დავფაროთ ცილით. გავაკეთოთ შავ ნახევარზე პატარა თეთრი წრე.

იმედია საინტერესო, ორიგინალური და გემრიელი სალათი გამოგვივიდა.

P.S.ვფიქრობ, ეს სალათი განსაკუთრებით ჩემს მეგობარს ინ-იანს მოეწონება.