"მთელი მსოფლიოსათვის საყვარელი პრინცესა დიანა იყო ქარიზმატული, მაგრამ ძალიან ცუდი ადამიანი. თავისი ქმარი პრინცი ჩარლზი მას სავსებით არ უყვარდა"–ეს სენსაციური განცხადება გააკეთა პრინც ფილიპეს ბიძაშვილმა, ლედი

პამელა ჰიქსმა ჟურნალ Vanity Fair-ისათვის მიცემულ ინტერვიუში.

პამელას ქალიშვილი ინდია ჰიქსი იყო მოწმედ დიანასა და ჩარლზის ქორწილში.მას გააჩნია საკუთარი შეხედულება ამ ქორწინებასთან დაკავშირებით.

"დიანას გააჩნდა უზარმაზარი ქარიზმა, იყო ძალიან ლამაზი, იწვევდა დიდ სიმპათიებს ხალხის მასაში, მაგრამ თავისი ქმრისა და ოჯახის მიმართ იყო ძალიან ცივი და არ გააჩნდა არავითარი გრძნობა"-ამბობს ლედი პამელა.

"ის იყო ძალიან ბოროტი ქალი და ქმარს საშინლად ექცეოდა, მაშინ როცა მას მხარდაჭერა და თანადგომა ესაჭიროებოდა. დიანამ სავსებით გაანადგურა თავისი ქორწინება. ჩარლზი საშინლად გამოიყურებოდა იმ პერიოდში: დაბერებული და ნაოჭებიანი ნამდვილ მოჩვენებას გავდა. ახლა ის ისევ კარგ ფორმაშია და მშვენივრად გამოიყურება"-აი ლედი პამელას კიდევ ერთი ბრალდება.

"დიანამ ყველას აიძულა დაეჯერებინა, რომ ის მგლების ხახაში ჩააგდეს. რა სისულელეა. გათხოვებისთანავე მას მიუჩინეს დედოფლის უსაყვარლესი ფრეილინა, რათა დახმარებოდა, მაგრამ მას არ უნდოდა არაფრის სწავლა და გაგონება. დიანას მხოლოდ თავისი საყვარელი მუსიკის მოსმენა, ჯაზის კონცერტებზე და დისკოთეკებზე სიარული აინტერესებდა და მეტი არაფერი"- განაცხადა ლედი პამელამ.

როგორც ცნობილია, პრინცესა დიანა დაიღუპა ავტოკატასტროფაში 1997 წელს. ახლახანს გაჩნდა ახალი ვერსია მის სიკვდილთან დაკავშირებით. ვარაუდობენ, რომ ავარია ორგანიზებული იყო ბრიტანეთის სპეცრაზმის მიერ პრინცი ჩარლზის დავალებით.

2005 წელს პრინცი დაქორწინდა კამილა პარკერზე, რომელიც ჯერ კიდევ დიანას სიცოცხლეში უყვარდა.

-