თქვენ წინაშეა "ფერარის" სუპერ მოდელი, რომელიც იტალიელმა "ფანტაზისტებმა" პირველად ჩინეთში, პეკინის ავტო შოუზე წარადგინეს. ახალ ტოპ-მოდელს ტრადიციული სახელი აქვს: GTO. ძალიან გამომწვევი კაპოტის ქვეშ V12 აგერგატი, 670 ცხენის ძალის მქონე ძრავა მუშაობს. ავტომობილი 1495 კილოგრამს იწონის. არცაა გასაკვირი, Ferrari 599 GTO 0-დან 100კმ/სთ-მდე სულ რაღაც 3.3 წამში ჩქარდება. ავტომობილის მაქსიმალური სიჩქარე კი 335 კმ/სთ-ია. 599 GTO-მ უკვე დაამყარა პირველი პირადი რეკორდი: მან მშობლიური "ფიორანოს" ტრეკი ერთ წუთსა და 24 წამში გაირა. აქამდე, "ფიორანოზე" ასეთი შედეგი ბუნებაში არსებულ არც ერთ "ფერარის" არ უჩვენებია.