კოლექციები გამორჩეული საქორწილო კაბები-ზაფხული 2013 2013, 22 ივლისი, 17:43 ნებისმიერი პატარძალი ოცნებობს მოძებნოს თავისი იდეალური კაბა. საქორწილო მოდის გარკვეული კონსერვატულობის მიუხედავად არსებობს სეზონის ჰიტები და მუდმივი კლასიკა.
ზაფხული ქორწილისთვის საკმაოდ მოხერხებული თვეა, თამამად შეგიძლიათ ჩაიცვათ ღია სილუეტის კაბა და წარმოაჩინოთ მოხდენილი სხეული.
წარმოგიდგენთ 2013 წლის საზაფხულო სეზონის გამორჩეულ ნიმუშებს დიზაინერთა კოლექციებიდან.
საქორწილო სამოსის ყველაზე კლასიკური ვარიანტი გახლავთ А-სილუეტის მქონე კაბა ფართო ქვედაბოლოთი. მოდელი განკუთვნილია ნებისმიერი ფიგურის მქონე ქალბატონებისთვის, ხაზს უსვამს სხეულის ღირსებას და ფარავს ნაკლს. Casablanca გოგონების უმრავლესობა ოცნებობს ფუშფუშა ქვედაბოლოებიან კაბაზე. ზღაპრული სამოსი განკუთვნილია მასშტაბური წვეულებისთვის. ერთადერთი შეზღუდვა გახლავთ ის, რომ მსგავსი სილუეტი დაბალ ქალბატონებს არ უხდებათ. Oscar de la Renta Vera Wang-ის წითელი კაბა ყველაზე გამბედავი საპატარძლოებისთვის არის. სწორედ წითელ ფერს მიეძღვნა საქორწილო მოდის დედოფლის Vera Wang-ის ბოლო კოლექცია. Oscar de la Renta-ს კაბა-"ქალთევზა"- საქორწილო კაბის ყველაზე სექსუალური ვარიანტია. ის მოუხდება იდეალური ფიგურის მქონე ქალბატონებს, რომლებიც არ უფრთხიან ყურადღების ცენტრში ყოფნას. Oscar de la Renta Carolina Herrera-ს მაქმანებიანი კაბა შეკერილია უნაზესი მაქმანისგან და მეტად დახვეწილად და უნაკლოდ გამოიყურება. მარტივ სილუეტს აკომპენსირებს რთული ნახატები მაქმანზე. Jenny Packham-ის კაბა ამტკიცებს, რომ დეკორატიული ნაქარგებით გაფორმებული ყველაზე მარტივი სილუეტის კაბაც კი მდიდრულად გამოიყურება. მთავარია ზომიერების გრძნობა. არ აირჩიოთ მოდელები, რომლებიც სრულად არის გაწყობილი ბრჭყვიალებით ან მარგალიტის მძივებით.
მინიმალიზმის მოყვარულებისთვის იდეალური ვარიანტია ლაკონური კაბა არშიით, რომელიც Carolina Herrera-მ შემოგვთავაზა. გლუვი ქსოვილი და მასთან შეხამებული მსხვილი დეკორატიული ელემენტები მეტად კეთილშობილურად და მოდურად გამოიყურება. სულ უფრო მეტი ქალბატონი ანიჭებს უპირატესობას მოკლე საქორწილო კაბებს. Theia-ს ტანზე მომდგარი ნაქარგით და კრისტალებით გაფორმებული მოკლე კაბა შესანიშნავი ვარიანტია არაფორმალური წვეულებისთვის. ეპატაჟის და ექსტრავაგანტულობის მოყვარულებს მოეწონებათ უჩვეულო მოდელი Oscar de la Renta-ს საქორწილო კოლექციიდან- მაქმანის ტანზე მომდგარი კაბა თეთრი მოსასხამით ტრადიციული ფატის ნაცვლად. 174 2-ს მოსწონს
|