ამ სტატიაში გთავაზობთ აზერბაიჯანის დედაქალაქის - ბაქოს
უახლეს ფოტოსურათებს. მანამდე კი გაგაცნობთ მცირე ინფორმაციას ბაქოს შესახებ:
ბაქოს შესახებ ცნობები ისტორიულ წყაროებში პირველი საუკუნიდან ჩნდება, თუმცა აზერბაიჯანის დედაქალაქი მხოლოდ მე-12 საუკუნეში გახდა. ბაქო დაყოფილია 11 რაიონად, ხოლო მოსახლეობის საერთო რაოდენობა ამჟამად 2 მილიონს აღემატება. (შეგახსენებთ, თბილისის მოსახლეობა ამჟამად 1 200 000 ადამიანია).
1988 წლამდე ბაქოში ბევრი სომეხი, ებრაელი და აზერბაიჯანელი
ცხოვრობდა. მაგალითად 1886 წელს ბაქოში მხოლოდ 43 პროცენტი იყო აზერბაიჯანელი, 34 პროცენტი რუსი, 17 პროცენტი სომეხი, 1 პროცენტი ებრაელი.
ამჟამად 90 პროცენტი აზერბაიჯანელია, 5 პროცენტი რუსი,
0 პროცენტი სომეხი და 0, 6 პროცენტი ებრაელი.
ბაქომ 2012 წელს უმასპინძლა ევროვიზიის რიგით 57-ე მუსიკალურ ფესტივალს, ხოლო 2015 წელს აზერბაიჯანის დედაქალაქში გაიმართება ისტორიაში პირველი - „ევროპის ოლიმპიური თამაშები“.

ბაქოში ტემპერატურა დაახლოებით ისეთივეა, როგორც თბილისში, თუმცა ნალექების რაოდენობა მკვეთრად ნაკლებია და ჰაერი მშრალია. მარტიდან დეკემბრამდე თითქმის საერთოდ არ წვიმს, ხოლო ზამთარში ტემპერატურა ნულს ქვემოთ იშვიათობაა.

ბაქო დღესდღეობით მართლაც ერთ-ერთი ულამაზესი ქალაქია
ევროპაში, სადაც აზიური კულტურა აშკარად ჭარბობს ევროპულს.

აი ბაქოც: