ქაღალდის ფულადი ნიშნების კოლექციონერთა საერთაშორისო ასოციაცია ყოველწლიურად ასახელებს "წლის ბანკნოტას", ანუ ირჩევს ყველაზე ლამაზ ფულად ნიშანს, რომელიც გასულ წელს ჩაეშვა მიმოქცევაში. უკვე არჩეულია 2012 წლის ყველაზე ლამაზი ბანკნოტა, თუმცა ამის შესახებ მოგვიანებით. ეხლა კი გავეცნოთ წინა წლების გამარჯვებულებს.

2004 წელი

20 კანადური დოლარი.მასზე გამოსახულია დედოფალი ელისაბედ მეორე, რომელიც ჩაფიქრებული სადღაც შორს იყურება.

უკანა მხარეს გამოსახულია კკულპტურა, რომელიც განასახიერებს ხანდას ხალხის ინდიელებს.

2005 წელი

ფარერის კუნძულების 1000 კრონა. ჩრდილო ატლანტიკის ამ პატარა კუნძულებზე ფული ისეთივე ლამაზია, როგორც ბუნება. ამ ბანკნოტამ გაიმარჯვა ზღვის მექვიშიას საოცრად რეალური გამოსახულების და...

კუნძულ სანდოის იმპრესიონისტური გამოსახულების წყალობით. ფარერის კრონა გამორჩეულია იმითაც, რომ მათზე გამოსახულია აკვარელით შესრულებული ნახატები.

2006 წელი

კომორის კუნძულების 1000 ფრანკი. ბანკნოტაზე გამოსახულია ლატიმერია – უძველესი თევზი, რომელიც გადაშენებულად ითვლებოდა, სანამ 1938 წელს არ იქნა აღმოჩენილი კომორის კუნძულების სიახლოვეს.

უკანა მხარეს კომორის მცხოვრები კანოეში. წინა მხარეს წარწერა ფრანგულია, უკანა მხარეს კი არაბული.

2007 წელი

შოტლანდიის 50 ფუნტი. წინა მხარეს სერ ვალტერ სკოტის პორტრეტი

უკანა მხარეს კი ფოლკერკის ბორბალი, მსოფლიოში პირველი მბრუნავი გემების ამწე, რომელიც აერთებს ფორტ-კლაიდის და იუნიონის არხებს.

2008 წელი

სამოას ბანკნოტა 20 ტალა. ჟიური დაატყვევა ფერების საოცარმა შეხამებამ.

უკანა მხარეს გამოსახულია სამოას ნაციონალური ფრინველი კბილნისკარტა მტრედი.

2009 წელი

ბერმუდის კუნძულების 2 დოლარი. წინა მხარეს გამოსახულია ფრინველი ლუჯკისერა და თითქმის შეუმჩნეველი ელისაბედ მეორის პროფილი.

უკანა მხარეს ნეპტუნის ქანდაკება და სამეფო საზღვაო გემთმშენებლის სამრეკლო.

2010 წელი

50 000 უგანდური შილინგი. წინ მიმავალი ოჯახის ქანდაკება.

უკანა მხარეს გამოსახულია გორილა.

2011 წელი

10 000 ტენგე, ყაზახეთი. ბანკნოტა გამოუშვეს ყაზახეთის დამოუკიდებლობის 20 წლისთავის აღსანიშნავად 2011 წლის 4 ივლისს. წინა მხარეს გამოსახულია მონუმენტი "კაზაკ ელი" და მფრინავი მტრედები.

უკანა მხარეს პრეზიდენტის სასახლე და ყაზახეთის რუკის კონტური.

2012 წელი

წინა წლის გამარჯვებულის ყაზახეთია. 5000 ტენგეს წინა მხარეს გამოსახულია მონუმენტი "კაზაკ ელი" და მფრინავი მტრედები.

უკანა მხარეს ყაზახეთის რუკის კონტური, დამოუკიდებლობის მონუმენტის მწვერვალი და ალმა-ატაში მდებარე სასტუმრო "ყაზახეთის" შენობა ზაილიის ალატაუს მთების ფონზე.