რამდენიმე დღეა საზოგადოების ყურადღება ქართულ პოლიტიკურ სივრცეში ბოლო დროს განვითარებული მოვლენებისა და იმ ამაზრზენი კადრებისკენაა მიპყრობილი, რომლის გავრცელების ავტორი გახლავთ ახალი უმრავლესობის აქტიური სახე - შინაგან საქმეთა მინისტრის პირველი მოადგილე გელა ხვედელიძე.

ცნობილია, რომ ბრალდებული ხვედელიძე კოალიციის რიგითი წევრი ნამდვილად არ იყო და სწორედ ამის გამო პრემიერი ივანიშვილი ორიოდე დღის წინ დამნაშავის გამართლებას და მომხდარის "ნაც. მოძრაობის" წევრებზე გადაბრალებას შეეცადა, თუმცა სამართალმა იზეიმა. შს მინისტრი ირაკლი ღარიბაშვილი დროულად ჩაერთო მიმდინარე პროცესებში და ხვედელიძე დღეს დაკავებულია.

არაერთგვაროვანი განცხადებების მოსმენამ მოგვიწია სატელევიზიო სივრციდან, მაგრამ ჟურნალისტებთან შეხვედრაზე საქართველოს პრემიერ - მინისტრმა (რომლის აზრს ყველაზე დიდი მნიშვნელობა აქვს) ბიძინა ივანიშვილმა განმარტა, რომ ახალმა ხელისუფლებამ ხაზი გაუსვა საკუთარ ხელწერას.ციტირებას ვახდენ: -"...ის რა თქმა უნდა, როგორც ყველა მოქალაქე, დაექვემდებარება კანონმდებლობას და მოიხდის იმ სასჯელს, რასაც კანონით იმსახურებს.მინდა ხაზი გავუსვა იმას, რომ ხვედელიძე არ იყო ჩვენი გუნდის რიგითი წევრი, არჩევნების პროცესში ძალიან აქტიური იყო და მნიშვნელოვან დავალებებს ასრულებდა, პრაქტიკულად კოორდინაციას უწევდა მაჟორიტარი დეპუტატების არჩევას."

პრემიერმა ისაუბრა ახალი ხელისუფლების ხელწერაზე, რომ კანონის წინაშე ყველა უნდა იყოს თანაბარი და კანონის უზენაესობის დაცვა პირველ რიგში თანამდებობის პირებმა უნდა შეძლონ.
ჩემი აზრით, ალბათ ეს იყო მიზეზი პრემიერის მხრიდან ორი დღის წინ გაკეთებული განცხადებისა, სადაც ივანიშვილი თანაგუნდელების დაცვას შეეცადა, თუმცა მსგავსი ნაბიჯები ყოფილ ხელისუფლებასაც რომ გადაედგა, "ნაციონალების" კრიზისი თავიდან იქნებოდა აცილებული და დღეს ნაციონალებზე" გაბრაზებული საზოგადოება მათ მიერ დაწყებულ აღმშენებლობას
ქვეყნისას, ნამდვილად დააფასებდა და დადებითად შეაფასებდა.