საზოგადოების ყველა ასაკის შესაფერის სოციალურ ქსელად "ფეისბუქი" მიიჩნევა, სადაც მეტნაკლებად ყველა ერთმანეთის მეგობარი ან მეგობრის მეგობარია, სადაც მარტივია არა მარტო პირადი ფოტოების დათვალიერება, არამედ სტატუსების წაკითხვაც, სადაც ნათელია ადამიანების ადამიანობის შეცნობა, სადაც მარტივია ადამიანური ღირსებების ამოცნობა, რისი კრიზისიცაა ალბათ ამ სტატუსის წაკითხვის შემდეგ საზოგადოებაში.დღევანდელი ენერგეტიკის მინისტრის კახი კალაძის მეუღლის ანუკი არეშიძის "ფეისბუქის" გვერდი ჯერ კიდევ არჩევნების დროს განსაკუთრებული და იმ დროისთვის აქტუალური სტატუსებით გამოირჩეოდა, რომელიც "ნაციონალური მოძრაობის"მხარდამჭერებთან და ცნობილ სახეებთან დებატებით და პაექრობით სრულდებოდა.

დღეს კი აქტიური მსჯელობის თემად იქცა მისი ახალი და როგორც მას უწოდებენ - "საინტერესო" სტატუსი იმ ფრაზეოლოგიით, რითაც ის მოექცა ყურადღების ცენტრში.

- "ასეთ სტატუსებს მხოლოდ "სვეცკები' წერენ - რა კარგია, სოფლელები რომ წავიდნენ თბილისიდან.არადა, ეგ 'სვეცკები' ბევრად დაბალი დონის განვითარების არსებებს წარმოადგენენ, ვიდრე ის 'სოფლელები".-წერს ანუკი არეშიძე და მეგობრების შეკითხვებსაც გულრწფელად პასუხობს, რომ მან ამ სტატუსში იგულისხმა საზოგადოების ის ფენა, რომლებმაც სააღდგომოდ თბილის - ქალაქი დატოვეს და თბილისში მხოლოდ "სვეცკები" დარჩნენ.-"აღდგომაზე ხომ მიდიან სოფლებში და ვითომ მარტო 'სვეცკი" თბილისელები დარჩნენ და უხარიათ.სამწუხაროდ, ბევრ ჩემს 'ფეისბუქის" მეგობარს უწერია და უხარია.წითელი პარასკევია, ისე...მე მიყვარს სოფელი და სოფლელი ხალხი".- წერს ცნობილი დიზაინერი ანუკი არეშიძე.

თუმცა ვერ დავეთანხმები სტატუსის ავტორს, რადგან სოფელშიც და დიდ ქალაქებშიც ცხოვრობენ ჯანსაღი სულის ადამიანები, რომელთათვის შინაგანი კულტურა, ადამიანობა, ღვთის სიყვარული, სუფთა სინდისი და წმინდა მორალი ყველაზე მთავარი ღირსებაა ადამიანურ ღირსებათა შორის.