ხელისუფლება რომ შეშინებულია 19 აპრილს დაგეგმილი აქციის გამო და მოსალოდნელ საფრთხეებზე აქტიურად საუბრობს, ეს უდავოა.რას პასუხობს ოპოზიცია და როგორ აპირებენ ხვალინდელი აქციის მშვიდობიანად დასრულებას?ამ კითხვაზე პასუხი საპარლამენტო უმცირესობის წევრმა გიორგი ვაშაძემ გასცა და განცხადება გააკეთა იმის შესახებ, რომ ხვალ, 19 აპრილს, საქართველოს პრეზიდენტი მიხეილ სააკაშვილი "ნაციონალური მოძრაობის" მიერ დაგეგმილ აქციაზე არ მივა.

როგორც ოპოზიციის ლიდერების საუბრებიდან ირკვევა, ისინი ოჯახის წევრებთან და ბავშვებთან ერთად აპირებენ ხვალინდელ აქციაზე მისვლას.

გაზეთისთვის მიცემულ ინტერვიუში გიორგი ვაშაძე
აცხადებს:(ციტირებას ვახდენ) - "პირდაპირ გეტყვით, ჩემი ინფორმაციით, მიხეილ სააკაშვილი ამ აქციაზე არ იქნება, ამას თქვენი თვალითაც ნახავთ.ნებისმიერ შემთხვევაში ჩვენ თავად ვიქნებით მაქსიმალურად მობილიზებულნი, რათა წესრიგი დავიცვათ.მე, საერთოდ 19 აპრილს ოჯახსა და შვილებთან ერთად ვაპირებ მისვლას.ბავშვებთან ერთად მოდის აქციაზე ბევრი ჩემი თანაგუნდელი და აქედან გამომდინარე, შესაბამისად დარწმუნებული ვარ, რაიმე ტიპის პროვოკაცია არ მოხდება და არც ერთ შემთხვევაში არ დავუშვებთ".

იგივე ხასიათისაა განცხადება, რომელიც ცოტა ხნის წინ სოციალურ ქსელში გავრცელდა, სადაც საპარლამენტო უმცირესობის ლიდერის დავით ბაქრაძის ინტერვიუა ჩაწერილი.

რაც შეეხება პრეზიდენტის ხვალინდელ აქციაზე მისვლას, უმცირესობის ლიდერები ირწმუნებიან, რომ მიხეილ სააკაშვილი 19 აპრილის აქციას არ დაესწრება.