"ნაციონალური მოძრაობის" გენერალურმა მდივანმა ივანე მერაბიშვილმა პრესკონფერენცია ახალციხის "რაბათის ციხის" ირგვლივ ატეხილ სკანდალს მიუძღვნა და მოუწოდა ხელისუფლებას, შეწყვიტონ ბრძოლა ახალციხის "რაბათის" კომპლექსის წინააღმდეგ.მისი განცხადებით, ხელისუფლება კომპლექსისათვის იერსახის შეცვლას აპირებს, რადგანაც თითქოს ძეგლს ძველი ისტორიული სახე აქვს დაკარგული. მან პრესკონფერენციაზე წარმოადგინა ძველი და ახალი რაბათის ფოტო მასალები.შეფასებებმაც არ დააყოვნა და


ხელისუფლების წარმომადგენლები კულტურის სამინისტროს მიერ მიღებულ გდაწყვეტილებას მხარს უჭერენ და განმარტავენ, რომ მინისტრის მოადგილე მარინე მიზანდარი უფრო კომპეტენტურია, ვიდრე ვანო მერაბიშვილი და თუ დაშვებული იყო შეცდომა არქიტექტურული თვალსაზრისით, გადაწყვეტილება სამინისტრომ უნდა მიიღოს, რომლის კომპეტენციაში ეჭვიც არ ეპარებათ.

თავად მიზანდარი ამბობს, რომ არ არის აუცილებელი უსახური და იაფფასიანი ფანჩატურის არსებობა.მისი თქმით, ძალიან უხარისხოა ჩატარებული სამუშაოები და დარღვეულია ძეგლთა დაცვის საერთაშორისო მეთოდოლოგიები. ძეგლის რეკონსტრუქციის დროს დაშვებული შეცდომები უნდა გამოსწორდეს -განმარტავს მინისტრის მოადგილე მარინე მიზანდარი.

შეიძლება თუ არა ამ ულამაზეს ადგილს უსახური და იაფფასიანი უწოდო, მკითხველისთვის მიმინდვია?

რაც შეეხება საპარლამენტო უმცირესობის წევრებს, როგორც დავით ბაქრაძე აცხადებს, -"უკვე აშენებული და სიძველეების ხელახალი რეკონსტრუქცია მხოლოდ იმიტომ, რომ ეს აღიქმება წინა ხელისუფლების მიერ განხორციელებულ საუკეთესო პროექტად არა ადეკვატურად მიმაჩნია. უკეთესი იქნება ახალი ხელისუფლება სხვა სიძველეების აღდგენით დაკავდნენ."

ჩემი აზრით, ვინც ერთხელ მაინ ყოფილა ახალ რაბათზე, დამეთანხმება, რომ მათი გადაწყვეტილება(კულტურის სა
მინისტროსი) ყოველგვარ საფუძველს მოკლებულია რეკონსტრუქციასთან დაკავშირებით, რადგან ეს ერთ-ერთი ულამაზესი "ქმნილებაა" ჩვენს ქვეყანაში, რაც ბოლო წლებში აშენებულა.