მთავარანგელოზთა სახელობის მამათა სამონასტრო კომპლექსი.. სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესი ილია მეორეს განცხადებით, "დარიალის ხეობაში აშენებული მონასტერი საქართველოს დაცვა იქნება". "მონასტერი რუსეთ-საქართველოს საზღვარზე იხსნება და ეს შემთხვევითი არ არის. ეს საქართველოს დაცვა იქნება", - ბრძანა პატრიარქმა და მრევლს მოუწოდა, "ვისაც საშუალება აქვს, მონასტერში ერთი ტომარა ფქვილი, ერთი ბოთლი წითელი ღვინო და ერთი ბოთლი ზეთი წაიღონ, რაც არა მხოლოდ მონასტრისთვის, არამედ თავად ადგილობრივი მოსახლეობისთვისაა მნიშვნელოვანი".