ამ დღეებში სირიის ქალაქ ჰომსში, დამასკოდან 180 კილომეტრში, შედგა 3 წლის გალასა და ხუთი წლის ჰალიდის ქორწილი. შესაძლოა, ეს პირველი წყვილი იყოს მსოფლიოში, რომელიც საკუთარი ნებით შეუღლდა ასეთ მცირეწლოვან ასაკში.
როგორც სააგენტო „Gulf News“ იუწყება, ჰალიდმა და გალამ ერთმანეთი გაიცნეს ზღვაზე დასვენებისას; სახლში დაბრუნებულმა ჰალიდმა უარი თქვა საბავშვო ბაღში წასვლაზე გოგონას გარეშე. ჰალიდის დედამ დაურეკა გალას დედას და აღმოჩნდა, რომ გოგონაც მძიმედ განიცდიდა ბიჭთან დაშორებას.
ოჯახებმა გადაწყვიტეს, არ შეწინააღმდეგებოდნენ ბავშვების კავშირს და მათ ქორწილი გადაუხადეს. ჰალიდის მამა პირობას დებს, რომ საკუთარ თავზე აიღებს ორივეს აღზრდა–განათლებისათვის გასაწევ ხარჯებს.