რელიგია ახალი რომის პაპის ვინაობა უკვე ცნობილია, ბევრი საინტერესო ფაქტი მის შესახებ 2013, 14 მარტი, 4:58 რომის პაპი კათოლიკური ეკლესიისა და ვატიკანის სახელმწიფოს მეთაურია. რელიგიური ტრადიციის მიხედვით რომის პაპი ითვლება მოციქულ პეტრეს მემკვიდრედ, ქრისტეს წარმომადგენლად და ეკლესიის წინამძღვრად. რომის პაპს კარდინალი ირჩევს მთელი სიცოცხლის ვადით. სულ ცოტა ხნის წინ კი პირველად მსოფლიოს ისტორიაში ბენედიქტ მეთექვსმეტემ პოსტი დატოვა. 28 თებერვლის დილას ბენედიქტ მეთექვსმეტემ, პაპის ამპლუაში, უკანასკნელად მიიღო ას კარდინალზე მეტი ვატიკანში, უკანასკნელად გაიხედა ფანჯრიდან და რეზიდენციასთან შეკრებილი მლოცველები დალოცა. პაპი ცხოვრებას კასტელ განდოლფოში აპირებს. შეგახსენებთ, რომ 85 წლის რომის პაპმა ბენედიქტ მე-16-მ გადადგომის შესახებ გადაწყვეტილება ასაკისა და დაღლილობის გამო მიიღო. დღეს კი სიქსტის კაპელაში შეკრებილმა კარდინალებმა ახალი რომის პაპი აირჩიეს. სულ ცოტა ხნის წინ კი ახალი რომის პაპის ვინაობა გახდა ცნობილი. მისი სახელია Jorge Mario Bergoglio და 76 წლისაა. ის პირველი პაპია, რომელიც წარმოშობით ლათინური ამერიკიდანაა. ჯერ კიდევ 2005 წელს ვრცელდებოდა ჭორები, რომ Jorge Mario Bergoglio პაპი გახდებოდა, მაგრამ მოვლენები სხვაგვარად განვითარდა. ის იტალიელი ემიგრანტების შვილია, მამამისი რკინიგზის თანამშრომელი გახლდათ. პაპი საუბრობს ინგლისურ, ესპანურ, იტალიურ და გერმანულ ენებზე. ის ოჯახთან ერთად მოკრძალებულად ცხოვრობს ჩვეულებრივ სახლში და ავტობუსით მგზავრობს. ის ქიმიკოსია, ასევე შესანიშნავი მზარეულიც გახლავთ, უყვარს ოპერა, შექსპირი და დოსტოევსკი, კარგი მოცურავეა, მიუხედავად იმისა, რომ ბავშვობიდან ფილტვების პრობლემები ჰქონდა. მან პირველი კენჭისყრით 10, მეორით 35, მესამით კი 40 ხმა მიიღო. 561 12-ს მოსწონს 1-ს არა
|