კომედი შოუს ყოფილი მსახიობის, ლევან გოგორელიანის ფაქო-ს ძმა, სამოქალაქო ფორმაში ჩაცმულმა პირებმა გაურკვეველი მიმართულებით წაიყვანეს. ლევან გოგორელიანის თქმით. ლაშა გოგორელიანს სამოქალაქო ფორმაში ჩაცმულმა პირებმა რამდენიმე მანქანით მის საცხოვრებელ სახლთან მიაკითხეს: „თვითმხილველმა დამირეკა და მითხრა, რომ ჩემი ძმა გაიტაცეს, უკვე საათნახევარია ვურეკავ და მის მობილურს ვიღაც თიშავს“ - განუცხადა news.ge-ს გოგორელიანმა. მისივე თქმით, შესაძლოა ლაშა გოგორელიანი „მოდულის“ შენობაში იყოს, თუმცა ამ ინფორმაციას მას „მოდულში“ არ უდასტურებენ.
შეგახსენებთ, რომ ლევან გოგორელიანი ცოტა ხნის წინ ამიკო ჩოხარაძესა და თემო მჟავიასთან ერთად "კომედი შოუდან" ბერა ივანიშვილის „Georgian dreams studio“ -ში, გადავიდა სამუშაოდ.