ნამცხვრები ტორტის მორთვის უმარტივესი მეთოდი 2013, 30 იანვარი, 14:44 ალბათ ყველა დამეთანხმება, რომ კერძი პირველ რიგში მადისაღმძვრელად უნდა გამოიყურებოდეს. რადგან როგორც ჩვენში იტყვიან „ ჯერ თვალი ჭამს“. სწორედ ამიტომ ცდილობს ყველა დიასახლისი, რომ მის მიერ მომზადებული კერძი, ნამცხვარი თუ უბრალოდ დაჭრილი ხილი ლამაზად დაალაგოს თეფშზე და ისე მიიტანოს სუფრასთან. ჩემი აზრით, ყველაზე მეტ მონდომებასა თუ ფანტაზიას მაინც ტორტის მორთვა მოითხოვს. ძალიან ბევრ დიასახლისს სწყდება ალბათ გული, რომ მას არ შეუძლია ტორტის მორთვა ან გაფორმება. მიზეზი დროის ნაკლებობა შეიძლება იყოს. თუმცა ეს პრობლემაც გამოსწორებადია. თქვენს მიერ მომზადებულ ტორტს შეგიძლიათ ზემოდან კრემი არც კი წაუსვათ და ისე გაალამაზოთ. ამისათვის საჭიროა შეიძინოთ ტორტის თარგი ან თავად გამოჭრათ ის ჩვეულებრივ ქაღალდზე. მარტივად დააფინოთ ტორტს და ზემოდან მოაფრქვიოთ შაქრის პუდრა. როდესაც ქაღალდს აიღებთ თქვენი შედევრით ნამდვილად მოხიბლულები და აღფრთოვანებულები დარჩებით. სტუმრებს კი არა მარტო თქვენი კულინარიული, არამედ შემოქმედებითი ნიჭითაც მოხიბლავთ. აიღეთ ტორტის მზა თარგი. დააფინეთ ტორტს ზემოდან და მოაფრქვიეთ შაქრის ფხვნილი. ნელა აიღეთ თარგი. თოვლის ფიფქით გაფორმებული ტორტი ნამდვილად დაამშვენებს თქვენს საახალწლო სუფრას.მაგრამ თუ კი დაბადების დღისთვის ვერ ასწრებთ ტორტის მორთვას ან შეძენას ამ პრობლემასაც მარტივად მოაგვარებთ. უფრო მეტი სიმარტივისათვის კი შეგიძლიათ თავად გამოჭრათ ქაღალდზე ვარსკვლავის, გულის ან მთვარის ფორმის ფიგურა და ასე დაამშვენოთ თქვენი ტორტი მარადიული სიყვარულის სიმბოლოებით. 6633 13-ს მოსწონს
|