უკვე 8 წელი გავიდა მას შემდეგ, რაც საქართველოს პრემიერ-მინისტრი ზურაბ ჟვანია საეჭვო ვითარებაში გარდაიცვალა. ვერც საზოგადოებამ და ვერც ჟვანიების ოჯახმა წლების მანძილზე პასუხი ვერ მიიღო, არავინ იცის რა გახდა მრემიერ-მინისტრის გარდაცვალების მიზეზი. ცოტა ხნის წინ მთავრობა შეიცვალა და საქმის გამოძიებაც დაიწყო.

ბატონ ზურაბს ჰყავს 3 შვილი, 18 წლის ლიზა, 16 წლის ბუსა და 13 წლის ანჩო. შვილებს დედა, ნინო ქადაგიძე ზრდის. ლიზა 18 წლისაა და ამერიკაში სწავლობს, მამა კარგად ახსოვს და დიდი სიყვარულით იხსენებს, ყოველ კვირას ერთად ვატარებდით, ბუნებაში ვსეირნობდით და კარგადაც ვერთობოდითო. ლიზას თქმით, ბატონი ზურაბი თბილი ადამიანი იყო, მხოლოდ მაშინ ბრაზობდა, თუ საქმე განათლებას ეხებოდა, ამ მხრივ ძალიან მომთხოვნი ყოფილა. ბუსა მე-11 კლასშია და უნდა სასწავლებლად, უფროსი დის მსგავსად, ამერიკაში წავიდეს. ის 8 წლის იყო, როდესაც მამა გარდაეცვალა და საერთოდ არ ახსოვს, ანჩოზე ხომ ლაპარაკიც ზედმეტია.
ბავშვები დედისა და ახლობლების მეშვეობით ცდილობენ მამაზე საინტერესო ფაქტები გაიგონ და წარმოსახვაში მისი პორტრეტიც აქვთ შექმნილი. როდესაც მნიშვნელოვანი გადაწყვეტილების მიღება უწევთ ბავშვები ცდილობენ წარმოიდგინონ, რას ურჩევდა მათ მამა.

ქალბატონ ნინოს ძალიან უჭირს შვილების უმამოდ გაზრდა, ყველა მშობელი მიხვდება რა სირთულეების წინ ავღმოჩნდიო. ის ძალიან მკაცრიცაა და თბილიც, უნდა შვილები ღირსეულ მოქალაქეებად აღზარდოს.

ოჯახი ერთის მოლოდინშია, სურთ ფარდა აეხადოს ზურაბ ჟვანიას გარდაცვალების მიზეზს. ვუსურვოთ მათ წარმატებები...