რა დამსახურებისთვის მოხვდა "ნაციონალური მოძრაობის" წინასაარჩევნო სიის ოთხეულში თინათინ ბოკუჩავა? არ გეგონოთ, რომ ის სკოლის მერხიდან პირდაპირ პარლამენტში გადმოსვეს. თინათინს 29 მაისს უკვე 30 წელი შეუსრულდება. მუშაობდა კონტროლის პალატაში და არჩევნებამდე სახელმწიფო აუდიტის სამსახურის გენარალური აუდიტორის მოადგილეც გახლდათ.

"ნაციონალურმა მოძრაობამ" ბევრი ცნობადი პოლიტიკოსი არ ჩასვა საარჩევნო სიებში. თინა ბოკუჩავაში კი ნამდვილად არ შეცდნენ, ის ჭეშმარიტი ნაციონალია და მკაცრი განცხადებებითაც დაგვამახსოვრა თავი. მაგალითად: "ხელისუფლება ძირს უთხრის დემოკრატიას", სულ რამდენიმე დღის წინ კი თეა წულუკიანს მამის ქმედებები შეახსენა და მის მიმართ მკაცრი რეპლიკბიც არ დაიშურა.

მე თუ მკითხავთ ის ცოტათი ამბიციურიცაა. "თეა წულუკიანმა ქილიკით მომმართა, როდესაც მიწოდა სპიკერი. მე მინდა მას ვუთხრა, რომ მე ვარ საქართველოს პარლამენტის წევრი, მაქვს შესაბამისი განათლება და სამუშაო გამოცდილება, რომ მოვლენებს მივცე ჩემი შეფასება და ნამდვილად მაქვს უფლება ეს საჯაროდ გამოვხატო, მათ შორის მისი საქმიანობის შესახებ"-განაცხადა თინათინ ბოკუჩავამ.

ქალბატონი თინათინის პირადი ცხოვრების შესახებ კი ინფორმაცია ცნობილი არ არის, როგორც ქართველებს გვჩვევია, მას ჯერ არც რომელიმე ცნობილ პოლიტიკოსთან აწყვილებენ და არც არავის ნაშად და ფავოროტად ნათლავენ. საინტერესოა რამდენ ხანს გაგრძელდება ასე. ვუსურვოთ ახალგაზრდა პარლამენტარს კარიერული წინსვლა და ბედნიერი მომავალი.