მორიგი უბედური შემთხვევა საფეხბურთო მოედანზე – ამჯერად, ფეხბურთის თამაშის დროს, იტალიური “ლივორნოს” ფეხბურთელი პიერმარიო მოროზინი დაიღუპა.
დღეს, 14 აპრილს, სერია B-ში, “პესკარასა” და “ლივორნოს” შორის მიმდინარე შეხვედრის 31-ე წუთზე, სტუმარი გუნდის 25 წლის ნახევარმცველი მინდორზე უგონოდ დაეცა. მიზეზი გულის შეტევა იყო. თამაშს ტრიბუნებიდან თვალს ადევნებდა პესკარას საავადმყოფოს მთავარი კარდიოლოგი, რომელმაც ფეხბურთელის გადარჩენა სცადა. მოგვიანებით, მოროზინი უახლოეს ჰოსპიტალში გადაიყვანეს, მაგრამ საავადმყოფოში მიყვანის დროს, იგი უკვე გარდაცვლილი იყო.