რამდენიმე დღის წინ აქტიურად საუბრობდნენ იმაზე, რომ საქართველოს პრეზიდენტი, მიხეილ სააკაშვილი მას
შემდეგ, რაც ახალ წელს ავღანეთში, ქართველ ჯარისკაცებთან ერთად შეხვდა, დასასვენებლად დუბაიში გაემგზავრაო. სოციალურ ქსელში ასევე დაიდო ფოტო, რომელზედაც სახეები არ ჩანდა, ფოტოზე გოგონა საცურაო კოსტიუმში იყო გამოწყობილი და მას ასეთი აღწერა ჰქონდა: სააკაშვილი და მარიამ საჯაია ერთობა. ამ ფაქტს უკვე გამოეხმაურა თავის ფეისბუქზე მარიამ საჯაია. საჯაია ავღანეთში ვიზიტის შთაბეჭდილებების შესახებ ყვება. საჯაია ამჟამად თბილისში
იმყოფება, დეპუტატი საქართველოს პრეზიდენტის ავღანეთში ვიზიტისას მის თანმხლებ საპარლამენტო დელეგაციაში შედიოდა.

მისი თქმით საქართველოს პრეზიდენტი ავღანეთში ვიზიტის დასრულების შემდეგ თანმხლებ საპარლამენტო დელეგაციასთან ერთად არაბთა გაერთიანებულ საამიროებში გაემგზავრა, საიდანაც დელეგაცია თბილისში დაბრუნდა, ხოლო მიხეილ სააკაშვილი სამეფო ოჯახის წევრების პირადი მოწვევით არაბთა გაერთიანებულ საამიროებში დარჩა. თავად საჯაია კი არა დუბაიში არამედ თბილისში დაბრუნდა, ნეტავ ისეთი ტანი და რუჯი მქონდეს, როგორც იმ გოგოს ვისი ფოტოც გაავრცელეთო. ოდესმე ხომ უნდა შეეშვან ზოგიერთები ბინძური თემებით სპეკულირებას? ვისაც ჰგონია, რომ დუბაიში ვერთობი, რამდენიმე წუთში მობრძანდეს ტაბიძეზე (დავწერ სადაც ვიქნები) და დარწმუნდეს, რომ თბილისში ვარ. და საერთოდ, სანამ ასეთ სიბინძურეს დაწერთ, იქნებ გადაამოწმოთ ინფორმაცია. არც ჩემი ტელეფონის ნომრის გაგება გაუჭირდებათ ამ ზღაპრების მომგონებს. - წერს პარლამენტარი.