სხვა უსაქმურობა, ყველაზე მისაღები საქმიანობა ახალგაზრდებისთვის. 2012, 12 დეკემბერი, 18:33 როგორც აღმოვაჩინე ყველაზე შესაფერის და მისაღებ საქმიანობას
ახალგაზრდებისათვის უსაქმურობა წარმოადგენს. ჩემი სტატია ახალგაზრდების და განსაკუთრებით კი უფროსი თაობის
დამოკიდებულებას ეხება სხვადასხვა პროფესიების მიმართ.
ახალგაზრდების უსაქმურობის ერთ-ერთი მაპროვოცირებელი ისიცაა რომ სამუშაოთა უმრავლესობა მათთვის და გარშემომყოფთათვის მიუღებელია. პირადად მე ხშირად მსმენია: "კარგი რა ახალგაზრდა ბიჭმა როგორ უნდა იმუშაოს მძღოლად?!" ან "თქვენი ტოლი რო ვიყავი მუშად ვიმუშავებდი?!" რაც მერწმუნეთ საკმაოდ დაბლა სწევს ახალგაზრდების შემართებას. საზოგადოებრივი აზრის მიხედვით ახალგაზრდებისთვის მიუღებელი და შეუფერებელი სამსახურების სია საკმაოდ ვრცელია. ხოლო მოსაწონი თითზე ჩამოსათვლელი. თანაც უნდა გავითვალისწინოთ რომ ახალგაზრდების უმრავლესობას არც საჭირო სანაცნობო წრე ჰყავს და არც მლიქვნელობა შეუძლიათ. ერთგვარ პოპულარულ საქმიანობად იქცა ბანკში მუშაობა, (ძირითადად განვადებებზე) საკმაოდ დაბალი ანაზღაურებით და უღიმღამო საქმიანობით, მით უმეტეს მამაკაცისთვის. მიუხედავად იმისა რომ საკმაოდ ძნელია თუნდაც : გამყიდველის, მძღოლის, დაცვის, მუშის ან კურიერის სამსახურის პოვნაც კი. თუ მაინც მოახერხეთ, საზოგადოების დიდი ნაწილის უარყოფითი დამოკიდებულება გარანტირებული გაქვთ. ასე რომ შეგიძლიათ "ბირჟაობა" გააგრძელოთ ან "დაიკიდოთ" საზოგადოების აზრი და იმუშაოთ ნებისმიერ სამსახურში რომელიც მოგწონთ ან ფულს გაშოვნინებთ. 189 5-ს მოსწონს |
ასე რომ მთლად იმას ნუ დავაბრალებთ რომ არაა, არაა ისეთი როგორიც ჩვენ გვინდა :)