თითოეული თვისება გარშემო თავისი შინაარსის შესაბამის ფერს ასხივებს. ყველა თვისების მიერ გამოსხივებულ ერთობლიობას აურა ეწოდება.როდის იქმნება ადამიანის აურა? როდესაც ადამიანს იმის განსჯის უნარი მიეცა, რომ ამათუ იმ მოქმედების შესრულება არ შეიძლებოდა, მაგრამ მაინც ასრულებდა და ამით ცხოვრების რომელიმე წესს არღვევდა, მხოლოდ ამის შემდეგ დაიწყო ამ მოქმედებამ ასახვა აურაში. დაბალი ინკარნაციული შეგრძნების აურა ძირითადად ნაცრისფერია, ხოლო მაღალი ინკარნაციული შეგნების აურა ცისარტყელის ფერებში კაშკაშებს. რაც უფრო მაღალია ინკარნაციული შეგნება მით უფრო ელვარე და ნათელი ფერებისგან შედგება მისი აურა. ჩვეულებრივ, ფიზიკური ხედვით აურა არ აღიქმება, თუმცა არის შემთხვევები, როდესაც ფენომენური ნიჭის და უნარის ადამიანები, სულის მსგავსად, აურასაც ხედავენ. აურას სხვანაირად ეწოდება, , სულის პასპორტი სამყაროში'', რადგან მაში აფსოლიტურად ყველაფერი იკითხება პიროვნების შეგნების, ბუნების და ბედისწერის შესახებ. ადამიანის მიერ ჩადენილი ყოველი ცოდვა და მადლი აურაში შესაბამისი ფერის ლაქად ფიქსირდება. სამწუხაროდ თითოეული ჩვენგანის აურა საკმაოდ დალაქავებულია. ანგარებით, შურით, სიხარბით, მოუთმენლობითა და სხვა ცოდვებით უფრო და უფრო ვამუქებთ ჩვენს აურას. ანუ ჩვენვე ვართ საკუთარი აურის დამნაგვიანებელი. სწორედ ამიტომ, ვაკეთოთრაც შეიძლება მეტი კარგი და გავაკაშკაშოთ როგორც ჩვენი ისე სხვების აურა.