ყველას გინახავთ მსგავსი ტესტები ფილმებში, თუმცა ალბათ საკუთარ თავზე არ გამოგიცდიათ.კარგად დააკვირდით სურათებს და იმის მიხედვით, თუ რას ხედავთ მათზე გაიგეთ მეტი თქვენი ფსიქიკის შესახებ.მაშ ასე:

1.ხედავთ თუ არა ადამიანებს?

ზოგიერთი პიროვნება საერთოდ ვერ ხედავს ამ ნახატებზე ადამიანებს, ფსიქოლოგი კი ამით აკეთებს დასკვნას, რომ იგი ვერ აწყობს ურთიერთობებს სხვებთან, რის გამოც ჩაკეტილი და მარტოსულია, ხოლო ისინი ვინც ხედავენ მათზე ადამიანებს, კომფორტულად ერგებიან ნებისმიერ საზოგადოებას და კარგად ეწყობიან სხვებს.

2.მოძრაობენ თუ არა ფიგურები?

ხშირად ადამიანები ფიგურებს მოძრაობაში ხედავენ(მაგალითად, გოგონები ცეკვავენ, კიბორჩხალა მიცოცავს...), რაც ნიშნავს იმას, რომ ეს პიროვნება მუდმივად განვითარებისკენ მიიწევს, ხოლო ისინი ვისთვისაც სურათზე არანაირი მოძრაობა არაა ასახული, რაღაც მძიმე არჩევანის წინაშე დგანან, ან საერთოდ არ არიან მზად წინსვლისათვის.

3.დაცულია თუ არა სიმეტრია?

თუ ადამიანისთვის სურათებზე არსებული ფიგურები სიმეტრიულია, მაშინ ის ადეკვატურად რეაგირებს ყველაფერზე

და რეალურად აღიქვამს სიტუაციას, შეუძლია საკუთარი თავის კონტროლი და თვითკრიტიკა.

4.სულიერია საგნები თუ უსულო?

ისინი, ვინც ხედავენ უსულო საგნებს-რაიმე სახის კონსტრუქციებს და ასე შემდეგ, ძალიან უემოციოები არიან.მათ რიცხვში ძირითადად შედიან ადამიანები, რომლებიც ინტელიგენტის ნიღბის ქვეშ მალავენ და ყველანაირად ახშობენ საკუთარ განცდებს.ასეთ ადამიანებს ფსიქოლოგები სპეციალისტთან სიარულს ურჩევენ, რათა განცდების გამოხატვა ისწავლონ.

5.მნიშვნელობა აქვს თუ არა დროს?

ზოგიერთი ადამიანი თვლის, რომ ამ სურათების აღქმა დამოკიდებულია მის განწყობაზე მოცემულ მომენტში - თუ ის ცუდ ხასიათზეა, მხოლოდ დამთრგუნველ ნახატებს დაინახავს, თუ კარგზე - მისთვის ყველგან მფრინავი პეპლები იქნება.ასეთ ადამიანს ეშინია საკუთარ თავს სიმართლეში გამოუტყდეს, რადგან ფსიქიკა ყოველთვის ობიექტურ პასუხებს იძლევა, რაზეც დრო გავლენას ვერ ახდენს.

6.ავადმყოფი თუ გენიოსი?

თუ თქვენი პასუხები რადიკალურად განსხვავდება ზემოთ ჩამოთვლილი ვარიანტებისგან, რომლებიც ათასობით ადამიანის მიერაა დადასტურებული, მაშინ ფსიქოლოგი იფიქრებს, რომ მის წინაშე ან ფსიქიკურად მოშლილი ადამიანია, რომელსაც მკურნალობა სჭირდება, ან გენიოსი.