მხარეებს შორის მიღწეული შეთანხმება ცეცხლის შეწყვეტის თაობაზე მყისიერი აღმოჩნდა.

ისრაელის კომერციულ დედაქალაქ თელ–ავივში, ცენტრალურ უბანში, რამდენიმე საათის წინ ავტობუსი აფეთქდა. დაშავდა 10 ადამიანი. ჯერჯერობით დაუდგენელია ავტობუსის აფეთქების ზუსტი მიზეზი, თუმცა ისრაელის პრემიერ–მინისტრის პრეს–სპიკერმა აღნიშნული უკვე შეაფასა ტერორისტულ თავდასხმად.

ისრაელსა და ჰამასს შორის 1 კვირის წინ საჰაერო იერიშების დაწყებას უკვე ემსხვერპლა ასეულობით პალესტინელი და ისრაელის 5 მოქალაქე. ისრაელმა ორშაბათ საღამოს განაახლა ღაზაში სხვადასხვა ობიექტების დაბომბვა, რასაც ჰამასმა საპასუხო იერიშით უპასუხა.

რეგიონში უკვე ჩასული არიან აშშ–ის სახელმწიფო მდივანი ჰილარი კლინტონი და გაეროს გენერალური მდივანი პან გი მუნი. ისინი მოლაპარაკებების გზით ცდილობენ მხარეებს მიაღწევინონ შეთანხმება ცეცხლის შეწყვეტაზე, თუმცა ეს მცდელბა ამ ეტაპზე უშედეგოა.