"გამარჯობა. მე საზოგადოების ნაწილი ვარ და მე მინდა არ ვგავდე ამ საზოგადოებას, მინდა ვიყო განსხვავებული"

მოკლედ, მე დღეს ჩემ თავზე არ ვწერ. მე ზოგადად პრობლემაზე ვწერ, რომელიც მაწუხებს და ვთვლი, რომ არასწორია. მიდგომა "მინდა ვიყო განსხვავებული" ჩემთვის სასაცილოა. შენ შეიძლება გინდოდეს იყო კარგი მომღერალი, კარგი მუსიკოსი, კარგი ფეხბურთელი ან კარგი ეკონომისტი, მაგრამ იქნებ ამიხსნა რას ნიშნავს "მინდა ვიყო განსხვავებული" ?

მე რატომღაც მგონია, რომ "მინდა ვიყო განსხვავებული" პიროვნებები, ყველაზე ერთნაირები არიან და იცი რატომ? იმიტომ რომ იმ ყველაზე დიდი ბრბოს ნაწილები არიან ვისაც "უნდა იყოს განსხვავებული" როცა შენ თმას ვარდისფრად შეიღებავ და სხვადასხვა ფერის კედებით ივლი, ამით შენ გგონია, რომ ხარ განსხვავებული, არადა ხარ ერთი ჩვეულებრივი ადამიანი ვარდისფერი თმით და კედებით, რომელიც სხვადასხვა ფერისაა. სწორედ ამის დანახვა არ შეგიძლია და ვერც ვერასოდეს იქნები რაღაცით ვიღაცისგან განსხვავებული, იმიტომ რომ შენი აზროვნება ასე ვიწრო და შეზღუდულია.