პენტაგონმა ავღნეთში ნამსახურები ყოფილი მზვერავის წიგნის ათასობით ეგზემპლარი შეისყიდა და გაანადგურა. უწყების ოფიციალური წარმომადგენლის თქმით, წიგნი შეიცავს ინფორმაციას, რომელსაც ქვეყნის უსაფრთხოებისთვის ზიანის მოტანა შეეძლო. თავის მხრივ სკანდალური წიგნის ავტორი ვიცე- პოლკოვნიკი ენტონი შაფერი მიიჩნევს, რომ "ციფრული ტექნოლოგიების ეპოქაში ამბის მიჩქმალვა შეუძლებელია".
სკანდალური წიგნის ოპერაცია "ბნელი გული": შპიონაჟი და სპეცოპერაციაები ავღანეთის ფრონტზე და გზა გამარჯვებისკენ" ჰქვია. წიგნში შაფერის 2003 წლის ავღანური თავგადასავლები და მათ შორის, რამდენიმე საიდუმლო ოპერაციაა ასახული.
გამომცემლობა St. Martin's Press-მა, რომელმაც ოპერაცია "ბნელი გულის" პირველი ტირაჟი გამოსცა, წიგნის მეორე ტირაჟი, სამხედროთა მითითებების თანახმად, შეცვლილი და შემიკლებული ტექსტით უკვე დაბეჭდა.
ამასთან, ინტერნეტში eBay-ის აუქციონზე გამოჩნდა განცხადება, რომლის ავტორი მკითხველებს წიგნის არარედაქტირებულ ვერსიას 2000 დოლარად სთავაზობს.