უკანასკნელი დღე–ღამის განმავლობაში, მარკ ცუკერბერგის „შვილობილის“, „ფეისბუქის“ აქციებმა 20 პროცენტით მოიმატა. ცნობილი ხდება, რომ სულ უფრო იზრდება „ფეისბუქის“ აუდიტორია, შესამაბისად, სოციალური ქსელის შემოსავალიც მატულობს. „ფეისბუქის“ დამფუძნებელი, მარკ ცუკერბერგი კი, მილიარდერების რეიტინგში კიდევ უფრო მეტად დაწინაურდა. ჟურნალ „ფორბსის“ მონაცემებით, უკანასკნელ თვეებში, ცუკერბერგის ქონება 2 მილიარდით გაიზარდა.

მიუხედავად ამისა, ახალგაზრდა მილიარდერი ცხოვრების სადა სტილს არ ღალატობს. მარკს, ფუფუნებაზე მეტად სამეცნიერო მუშაობა და მაღალი ტექნოლოგიების განვითარება აინტერესებს. მილიარდერის არაორდინალურობა კი, მის პროფილში განთავსებულ ფოტოებზეც ნათლად ჩანს, საიდანაც ირკვევა, რომ „ფეისბუქის“ დამფუძნებელი აშშ–ის ჩვეულებრივი, საშუალო შეძლების მოქალაქეთა ცხოვრების სტილს ანიჭებს უპირატესობას...