როდესაც საქართველოში ჩამოვიდა მან არაფერი იცოდა არც ქართული კულტურის და არც ქართული ეკლესიის შესახებ. ერთხელ ტელევიზორში შემთხვევით ნახა სამების საკათედრო ტაძარი ძალიან მოეწონა და ქართველ მეგობარს სთხოვა ტაძრის სანახავად წაიეყვანა. “ როდესაც ტაძარში მივედი ლოცვა იყო და გადავწყვიტე ბოლომდე დავსწრებოდი მას. ვნახე როგორ ლოცულობდნენ მამაოები და ხალხი ერთად, როგორ გალობდნენ მგალობლები. ძალიან ლამაზი რიტუალია. მომინდა ხშირად დავსწრებოდი ლოცვას და უფრო მეტი გამეგო ქართულ ღვთისმსახურების შესახებ, შემდეგ გავიცანი მამა თეიმურაზი, რომელმაც იცოდა ინგლისური ენა და ბევრს მიყვებოდა ქართულ ეკლესიაზე. მე იმდენად მომხიბლა ამ ყველაფერმა, რომ გადავწყვიტე მართმადიდებელ ქრისტიანად მონათვლა და შემდეგ სტიქაროსანიც გავხდი.''

მონათვლის შემდეგ მას გიორგი დაარქვეს და დღესაც სიამოვნებით მსახურობს ქართულ ტაძრებში.