საქართველო
ივანიშვილის პრემიერობას საფრთხე ემუქრება
2012, 26 ოქტომბერი, 10:58
როგორც თავად ბიძინა ივანიშვილმა განაცხადა- იმ შემთხვევაში თუ მას სასამართლო საქართველოს მოქალაქეობას დაუბრუნებს პრემიერ მინისტრი ვეღარ გახდება.
მისი თქმით, ის დღეს ქვეყნის პრემიერმინისტრია, მაგრამ არა როგორც საქართველოს, არამედ როგორც საფრანგეთის მოქალაქე და თუ საქართველოს სასამართლო მას მოქალაქეობას დაუბრუნებს, ის პრემიერი ვეღარ იქნება, გამომდინარე იქიდან, რომ საფრანგეთის მოქალაქეობაზე უარის თქმას პროცედურები სჭირდება, ეს დროში გაწელილი პროცესია. საქართველოს კონსტიტუცია კი ორმაგი მოქალაქეობის მქონე პირს პრემიერ-მინისტრობის უფლებას არ აძლევს.
როგორც ცნობილია საფრანგეთის მოქალაქეობაზე უარის თქმა უკვე დაწყებულია.
მოგეხსენებათ საქართველოს პრეზიდენტმა უკვე მიანიჭა ბიძინა ივანიშვილს მოქალაქეობა. თუმცა ოფიციალურად საქართველოს მოქალაქეობა ძალაში მას შემდეგ შევა რაც ბიძინა ივანიშვილი აღარ იქნება საფრანგეთის მოქალაქე.
