თბილისის სუპერმარკეტების შესახებ კვლევა ჩაატარა ილიაუნის ბიზნეს რევიუმ. კვლევა მიზნად ისახავდა თბილისში მოქმედ სუპერმარკეტებში სხვადასხვა პროდუქტზე ფასების დადგენას და შედარებით ანალიზს. გამოვლინდა ყველაზე დაბალი და ყველაზე მაღალი ფასების მქონე სუპერმარკეტები
გამოკვლეულ იქნა, თბილისში მოქმედი სუპერმარკეტები ( პოპული, იოლი გასტრონომია, გუდვილი, სმარტი, Express-Group, ზემელი და ბიგ-ბენი ) სამომხმარებლო კალათაში შემავალი 20 დასახელების პროდუქტის მიხედვით (შაქარი, ბრინჯი, წიწიბურა, პური, ზეთი, რძე, ნატურალური წვენი, ყავა, მინერალური წყალი, შამპანური, ღვინო, სიგარეტი, ჩაი, გაზიანი გამაგრილებელი სასმელი, ლუდი, კვერცხი, კიტრის მწნილი, პურის ფქვილი, კარაქი, მარილი).
კვლევის ობიექტად შერჩეულ იქნა თბილისში ოპერირებადი 7 სუპერმარკეტი, რომლებიც მეტ-ნაკლებად გამოირჩევიან მომხმარებელთა დიდი რაოდებით (პოპული, იოლი გასტრონომია, გუდვილი, სმარტი, Express-Group, ზემელი და ბიგ-ბენი ).
სუპერმარკეტების კვლევის შედეგად აღმოჩნდა, რომ მომხმარებელს აღნიშნულ პროდუქციაზე, ყველაზე დაბალ ფასს „პოპული" სთავაზობს, მას მხოლოდ 1%-ით ჩამორჩება „გუდვილი".
ხოლო ყველაზე მაღალ მარჟაზე მომუშავე სუპერმარკეტად კვლავ „ზემელი" რჩება.
საშუალო შემოსავლების მქონე ოჯახს პროდუქცია, ძვირიან სუპერმარკეტში 35 %-ით უძვირდება. ხოლო, თუ გავითვალისიწინებთ იმ ფაქტს, რომ მომხმარებელი საშუალოდ 60 დასახელების პროდუქტს მოიხმარს თვის განმავლობაში, ეს სხვაობა უკვე 100%-ს აჭარბებს.