18 ოქტომბერს გვიან ღამით გარდაიცვალა ლეგენდარული ფრანგული ეროტიკული ფილმის "ემანუელის" მთავარი როლის შემსრულებელი, ჰოლანდიელი მსახიობი სილვია კრისტელი.ამა წლის ივლისში იგი ინსულტის დიაგნოზით მოხვდა ამსტერდამის ჰოსპიტალში, უფრო ადრე მას ყელისა და ღვიძლის კიბოს დიაგნოზი დაუსვეს, ინსულტი კი კიბოს საწინააღმდეგო თერაპიამ გამოიწვია, იუწყება Agence France Presse. სილვია კრისტელმა თავის ცხოვრების მანძილზე 50-მდე როლი ითამაშა, მათ შორის "ემანუელის" ტრილოგიაში, "მეხუთე მუშკეტერი", "კერძო გაკვეთილები", "ლედი ჩატერლეის საყვარლები" და სხვა.