სახმელეთო ძალები წარმოადგენს საქთველოს შეიარაღებული ძალების ყველაზე დიდ კომპონენტს.სახმელეთო ძალებმა უნდა უზრუნველყონ საქათველოს ტერიტორიული მთლიანობა და რეაგირება მოახდინონ პოტენციურ საფრთხეებზე.სახმელეთო ძალების შემადგენლობაში შედის:ბატალიონების დონეზე ორგანიზებული ქვეითი ბრიგადები, არტილერია, სპეცდანიშნულების ბრიგადები და საბრძოლო მხარდაჭერის სხვა საშუალებები.სახმელეთო ძალების ქვედანაყოფები ასევე ახორციელებენ კოალიციურ ოპერაციებს ქვეყნის გარეთ.

სახმელეთო ჯარების დანიშნულებაა საომარ მოქმედებათა თეატრში სტრატეგიული, ოპერატიული და ტაქტიკური ამოცანების შესრულება.

საჰაერო ძალები უზრუნველყოფს საქართველოს შეიარაღებული ძალების საჰაერო მხარდაჭერას და ვალდებულია დაიცვას საქართველოს საჰაერო სივრცის უსაფრთხოება.აღნიშნული მოიცავს თავდაცვას თანამედროვე სარაკეტო საფრთხისა და თვითმფრინავების თავდასხმისგან.საქრთველოს ერთ-ერთ უმთავრეს პრიორიტეტს წარმოადგენს ნატოსთან თავსებადი საჰაერო თავდაცვის სისტემის ჩამოყალიბება და საჰაერო სუვერენიტეტის უზრუნველყოფის მიზნით ინფრასტრუქტურის და კომუნიკაციების საშუალებების გაუმჯობესება, საქთველოს საჰაერო თავდაცვა ავითარებს სამეთვალყურეო სისტემას, რომელიც მოიცავს მართვისა და კონტროლის ცენტრთან ინტეგრირებულ რადარებს ასევე მოდერნიზებულ საზენიტო-სარაკეტო სისტემებს.

საქრთველოს საზღვაო ძალები პასუხისმგებელია საქართველოს ტეროტორიულ წყლებში ქვეყნის სუვერენიტეტის დაცვაზე.მას უნდა გააჩნდეს საქრთველოს წყლების, პორტების და სანაპირო ხაზის დაცვისთვის საკმარისი შესაძლებლობები თავდასხმის, შემოღწევის ან სხვა სახის დარღვევის აღსაკვეთად.ამასთანავე, საზღვაო ძალების ამოცანებში შედის საზღვაო კომუნიკაციების დაცვა და კოლექტიური საზღვაო თავდაცვის ფარგლებში პარტნიორ ქვეყნებთან ერთად მონაწილეობის მიღება ერთობლივ ოპერაციებში.საქართველოს საზღვაო ძალებში მიმდინარეობს სამხედრო-საზღვაო ფლოტის მოდერნიზება, მისი სტრუქტურის და საზღვაო ძალების მართვის სისტემის ოპტიმიზაცია, კადრების სრული დაკომპლექტება და წვრთნების დაგეგმვა.