ნიუ-იორკის მოდის კვირეულზე Oscar de la Renta-მ წარმოადგინა ზღაპრული საქორწინო კაბების დიდებული კოლექცია მომავალი გაზაფხულის სეზონისთვის.

კოლექციაში შედის არამარტო ტრადიციული საქორწინო სამოსი ფუშფუშა ქვედაბოლოებით და უამრავი ნაკეცებით, არამედ თამამი და შეიძლება ითქვას უჩვეულო მოდელებიც, მაგ. თავისუფალი სტილი- თეთრი შარვალი და მოკლე ტოპი.

Oscar de la Renta-ს ახალი კოლექციის ფერთა გამაც მეტად არატრადიციული და მრავალფეროვანია.

კოლექცია მოიცავს როგორც თეთრ, სპილოსძვლისფერ მოდელებს, ასევე ექსტრავაგანტულ წითელ, შინდისფერ და ცისფერ კაბებს. პატარძლის თანხმლები პატარა გოგონების კაბები უშუალო, მომხიბვლელი და მეტად ნაზია, მათ ალამაზებს აქსესუარები ყვავილებიანი კალათის სახით.