ნამახვანში გაუჩინარებული ნიკა ანთიძის შესახებ ახალი დეტალები ირკვევა. როგორც მისი ნათესავი ამბობს, იგი პროფესიონალი მოცურავეა და სხვადასხვა სტილით შეუძლია ცურვა.

თვითმკვლელობის ვერსია ეჭვქვეშ დგება, რადგან მან არა თავი დაიხრჩო, არამედ, ცურვით დაუყვა რიონს და შემდეგ გაუჩინარდა. როგორც ახლობელი იხსენებს, მან დარეკა და თქვა, თუ ყველაფერი კარგად წავიდა, ხვალ თბილისში ჩამოვალო.

ასევე, ცნობილია, რომ იგი საზღვარგარეთ წასვლას აპირებდა. ნიკა ანთიძე ნამახვანში 3 დღის წინ ჩავიდა ჯიპით. გაურკვეველია, როგორ დართეს მას ნამახვანში შესვლის ნება, როდესაც, არათუ აქციის მონაწილეებისთვის, არამედ, ადგილობრივი მცხოვრებლებისთვისაც ნამახვანისკენ გადაადგილება აკრძალულია.