ქვის ვაშლი ერთ-ერთი ცნობილი ეგზოტიკური ხილია. მას სხვანაირად ხის ვაშლს ან ბაილსაც უწოდებენ და საკულტო ნაყოფია ინდო-ბუდისტურ კულტურაში. ხილმა სახელწოდებები "ქვის ვაშლი" და "ხის ვაშლი" მიიღო თავისი კანის გამო. ხილის კანი ძალიან ჰგავს ხეს, ან ქვას და უჩვეულოდ მაგარია. რბილობის ყავისფერი შეფერილობა დამპალი პროდუქტის შთაბეჭდილებას ქმნის. კანისა და რბილობის ასეთმა უცნაურმა, უსიამოვნო შესახედაობამ არ მოგატყუოთ - ქვის ვაშლი ძალიან გემრიელია, მის ნაყოფს აქვს რაღაც საშუალო გემო ქიშმიშსა და ფინიკის (ინდისხურმას) მურაბას შორის. ხილის ნაყოფს მიირთმევენ როგორც ქორფას, ნედლ მდგომარეობაში, ისე გაყინულსაც, თავისებური, მაგრამ ძალიან გემრიელი ნაყინია. ასევე, შეგიძლიათ, ბაილი შეურიოთ სხვა ხილის წვენს და საოცარ გამაგრილებელ სასმელს მიიღებთ.